2022 July 01 Friday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

കൊവിഡിനിടെ മാനസികാഘാതം: സംസ്ഥാനത്ത് നാലു മാസത്തിനിടെ 118 ആത്മഹത്യ

തിരുവനന്തപുരം: കൊവിഡിനിടെയുണ്ടായ മാനസികാഘാതത്തില്‍ സംസ്ഥാനത്ത് നാലു മാസത്തിനിടെ ആത്മഹത്യ ചെയ്തത് 118 പേര്‍. ജീവനൊടുക്കിയവരില്‍ ഏറ്റവുമധികം യുവാക്കളാണ്. 57 പേര്‍. കൂടാതെ 22 വീട്ടമ്മമാരും 16 വിദ്യാര്‍ഥികളും ആറ് ഇതര സംസ്ഥാന തൊഴിലാളികളും ഈ കാലയളവില്‍ ആത്മഹത്യ ചെയ്തു.

തിരുവനന്തപുരം ജില്ലയിലും തൃശൂര്‍ ജില്ലയിലും 18 പേര്‍ വീതവും കൊല്ലത്ത് 15 പേരും പാലക്കാട്ട് 14 പേരും ആലപ്പുഴയില്‍ ഒന്‍പത് പേരും പത്തനംതിട്ടയിലും കാസര്‍കോട്ടും എട്ടു പേര്‍ വീതവുമാണ് ആത്മഹത്യ ചെയ്തവര്‍. നിരീക്ഷണത്തിലായിരുന്ന മൂന്നു പ്രവാസികളും ആത്മഹത്യ ചെയ്തവരിലുണ്ട്. വരുമാനം നിലച്ചതും കുടുംബപ്രശ്‌നങ്ങളും മദ്യാസക്തിയും മുതല്‍ കൊവിഡ് ഭീതി വരെയാണ് ആത്മഹത്യയ്ക്കുള്ള കാരണങ്ങള്‍. ഇന്നലെ വരെ മാനസിക പിന്തുണ തേടി സര്‍ക്കാരിന്റെ ദിശ കേന്ദ്രത്തിലേക്കു വന്നത് നാലര ലക്ഷം കോളുകളാണ്.

ലോക്ക്ഡൗണ്‍ കാലത്ത് ഗാര്‍ഹിക പീഡനവും കൂടുകയാണ്. ഇക്കാലയളവില്‍ സംസ്ഥാനത്ത് 23 കൊലപാതകങ്ങളും 10 ദുരൂഹ മരണങ്ങളുമാണ് നടന്നത്.

11 വീട്ടമ്മമാരാണ് ലോക്ക് ഡൗണ്‍ കാലത്ത് കൊല്ലപ്പെട്ടത്. കൊവിഡ് തുടക്കമിട്ട പ്രതിസന്ധികള്‍പോലെ ഈ അവസ്ഥയും മറികടക്കാന്‍ ഏറെ നാളുകള്‍ വേണ്ടിവരും. ഒറ്റപ്പെടലിന്റെ വേദനയില്‍ നീറുന്നവരെ കരുതലോടെ ചേര്‍ത്തുപിടിക്കണമെന്ന് ആരോഗ്യവിദഗ്ധര്‍ മുന്നറിയിപ്പു നല്‍കുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News