2024 February 25 Sunday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

അജ്‌മാനിൽ നിന്ന് ഗ്ലോബൽ വില്ലേജിലേക്കുള്ള ബസ് സർവീസ് സംബന്ധിച്ച വിവരങ്ങളറിയാം

യുഎഇ:അജ്‌മാനിൽ നിന്ന് ഗ്ലോബൽ വില്ലേജിലേക്ക് സർവീസ് നടത്തുന്ന ബസ് റൂട്ട് സംബന്ധിച്ച് അജ്‌മാൻ ട്രാൻസ്‌പോർട് അതോറിറ്റി അറിയിപ്പ് നൽകി. 2023 ഡിസംബർ 6-നാണ് അതോറിറ്റി ഈ അറിയിപ്പ് നൽകിയത്.

ഈ അറിയിപ്പ് പ്രകാരം 2023 ഡിസംബർ 1 മുതൽ അജ്‌മാനിൽ നിന്ന് ഗ്ലോബൽ വില്ലേജിലേക്ക് നേരിട്ടുള്ള ബസുകൾ സർവീസ് നടത്തുന്നുണ്ട്. അജ്‌മാൻ ട്രാൻസ്‌പോർട് അതോറിറ്റി, ദുബൈ റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) എന്നിവർ സഹകരിച്ചാണ് ഈ ഇന്റർ-എമിറേറ്റ് സർവീസ് നടത്തുന്നത്.

ആഴ്ച്ചയിൽ എല്ലാ ദിവസവും സർവീസ് നടത്തുന്ന ഈ റൂട്ടിൽ ഒരു ട്രിപ്പിന് 25 ദിർഹമാണ് യാത്രികരിൽ നിന്ന് ഈടാക്കുന്നത്. അജ്‌മാൻ ബസ് ടെർമിനലിൽ (മുസല്ല ബസ് സ്റ്റേഷൻ) നിന്നാണ് ഈ ബസ് സർവീസ് ആരംഭിക്കുന്നത്.

   

തിങ്കൾ മുതൽ വെള്ളി വരെയുള്ള ദിവസങ്ങളിൽ ഉച്ചയ്ക്ക് 2.15-ന് ഈ ബസ് അജ്‌മാൻ ബസ് ടെർമിനലിൽ നിന്ന് യാത്ര പുറപ്പെടുന്നതും വൈകീട്ട് 3.45-ന് ഗ്ലോബൽ വില്ലേജ് ബസ് സ്റ്റോപ്പിൽ എത്തിച്ചേരുന്നതുമാണ്. വാരാന്ത്യങ്ങളിൽ (ശനി, ഞായർ) പ്രതിദിനം രണ്ട് സർവീസ് വീതമുണ്ട്.

വാരാന്ത്യങ്ങളിൽ ഉച്ചയ്ക്ക് 2.15-ന് അജ്‌മാൻ ബസ് ടെർമിനലിൽ നിന്ന് യാത്ര പുറപ്പെടുന്ന ആദ്യത്തെ ബസ് വൈകീട്ട് 3.45-ന് ഗ്ലോബൽ വില്ലേജ് ബസ് സ്റ്റോപ്പിൽ എത്തിച്ചേരുന്നതാണ്. വൈകീട്ട് 5.15-ന് അജ്‌മാൻ ബസ് ടെർമിനലിൽ നിന്ന് യാത്ര പുറപ്പെടുന്ന രണ്ടാമത്തെ ബസ് വൈകീട്ട് 6.45-ന് ഗ്ലോബൽ വില്ലേജ് ബസ് സ്റ്റോപ്പിൽ എത്തിച്ചേരുന്നതാണ്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.