2022 May 24 Tuesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

യു.എ.ഇയില്‍ നിന്നും നാട്ടിലേക്കു മടങ്ങാനാഗ്രഹിക്കുന്നവരുടെ ലിസ്റ്റ് കെ.എം.സി.സി തയ്യാറാക്കുന്നു

ദുബൈ: യു.എ.ഇയിലുള്ളവരും നിലവിലെ യാത്രാ വിലക്കു നീങ്ങി വിമാന സര്‍വീസുകള്‍ ആരംഭിച്ചാല്‍ നാട്ടിലേക്കെത്തണമെന്ന് ആഗ്രഹിക്കുന്നവരുമായ പ്രവാസി സഹോദരങ്ങളുടെ പേരു വിരങ്ങള്‍ കെ.എം.സി.സി ശേഖരിക്കുന്നു.യാത്രക്ക് അനുമതി ലഭിച്ചാല്‍ അര്‍ഹതപ്പെട്ടവര്‍ക്കു കാലതാമസമില്ലാതെ യാത്ര സാധ്യമാക്കാന്‍ ഈ രജിസ്‌ട്രേഷന്‍ സഹായകമാകും. എത്ര പേര്‍ യു.എ.ഇയില്‍ നിന്നും നാട്ടിലെത്താനുള്ള അവസരം കാത്തിരിക്കുന്നു എന്നറിയാനും ഈ രേഖകള്‍ സഹായിക്കും.കൊവിഡ്‌19 വ്യാപനത്തിന്റെ പ്രത്യേക സാഹചര്യത്തില്‍ മാതൃരാജ്യത്തേക്ക് മടങ്ങാന്‍ തയ്യാറെടുക്കുന്ന പ്രവാസികളുടെ പട്ടികയാണ് കെഎംസിസി തയ്യാറാക്കുന്നത്.

വാര്‍ഷിക അവധി ലഭിച്ചവര്‍, നേരത്തേ തന്നെ അവധി കിട്ടിയിട്ടും നാട്ടിലേക്ക് പോവാന്‍ കഴിയാത്തവര്‍, സന്ദര്‍ശന വിസയുടെ കാലാവധി കഴിഞ്ഞിട്ടും തിരികെ പോകാനാവാതെ വന്നവര്‍, തൊഴില്‍ നഷ്ടപ്പെട്ടവര്‍, ദീര്‍ഘകാല അവധിയിലുള്ളവര്‍, സ്വമേധയാ തിരികെ പോകാന്‍ ആഗ്രഹിക്കുന്നവര്‍, ഗര്‍ഭിണികള്‍, മുതിര്‍ന്ന പൗരന്‍മാര്‍ തുടങ്ങിയവര്‍ക്കും അവരുടെ കുടുംബങ്ങള്‍ക്കും പ്രയോജനപ്പെടുന്നതിനു വേണ്ടിയാണ് ഈ സംവിധാനമൊരുക്കുന്നത്.

ഇവരില്‍ നിന്ന് പരിശോധനയില്‍ കൊവിഡ്‌ രോഗമില്ലെന്ന് സ്ഥിരീകരിച്ചവര്‍ക്ക് വിമാന സര്‍വീസുകള്‍ അടിയന്തരമായി ഏര്‍പ്പെടുത്തി നാട്ടിലേക്ക് മടങ്ങാനുള്ള സൗകര്യം ഒരുക്കാന്‍ കേന്ദ്ര സംസ്ഥാന സര്‍ക്കാറുകളോടും നയതന്ത്ര കാര്യാലയങ്ങളോടും ആവശ്യപ്പെടുന്നതിന്റെ ഭാഗമായാണിത്. അനുമതി ലഭിച്ചാല്‍ അര്‍ഹതപ്പെട്ടവര്‍ക്ക് കാലതാമസമില്ലാതെ യാത്ര സാധ്യമാകാന്‍ ഇത് സഹായകമാകുമെന്ന് യു.എ.ഇ കെ..എം.സി.സി പ്രസിഡന്റ് പുത്തൂര്‍ റഹ്മാന്‍ അറിയിച്ചു.

https://forms.gle/st94vkmhzncNDmYa8


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.