കോഴിക്കോട്: പ്ലസ് ടു വിദ്യാര്‍ത്ഥിനി എം.ബി.ബി.എസ് ക്ലാസില്‍ നാല് ദിവസം. കോഴിക്കോട് മെഡിക്കല്‍ കോളേജിലെ എം.ബി.ബി.എസ് ക്ലാസിലാണ് വിച്ത്ര സംഭവം.പ്രവേശന പരീക്ഷാ യോഗ്യത പോലും ഇല്ലാത്ത മലപ്പുറം സ്വദേശിയായ വിദ്യാര്‍ത്ഥിനിയാണ് അധികൃതരെ കബളിപ്പിച്ച് ക്ലാസില്‍ ഇരുന്നത്. ഇതുമായി ബന്ധപ്പെട്ട് പ്രിന്‍സിപ്പില്‍ പൊലീസില്‍ പരാതി നല്‍കി. നാലുദിവസം തുടര്‍ച്ചയായി വന്ന വിദ്യാര്‍ഥിനി അഞ്ചാം ദിവസം ക്ലാസില്‍ ഹാജരാകാതെ വന്നപ്പോഴാണ് ബന്ധപ്പെട്ട അധികൃതരുടെ ശ്രദ്ധയില്‍ ഇക്കാര്യം വന്നത്.

കോഴിക്കോട് മെഡിക്കല്‍ കോളജില്‍ എം.ബി.ബി.എസിന് തനിക്ക് പ്രവേശനം ലഭിച്ചതായി വിദ്യാര്‍ഥിനി സാമൂഹിക മാധ്യമങ്ങളില്‍ സന്ദേശം അയച്ചിട്ടുണ്ട്.നവംബര്‍ 29 മുതല്‍ ഡിസംബര്‍ രണ്ട് വരെയാണ് വിദ്യാര്‍ത്ഥിനി ക്ലാസില്‍ ഇരുന്നത്.നവംബര്‍ 29നാണ് ഒന്നാം വര്‍ഷ വിദ്യാര്‍ത്ഥികളുടെ ക്ലാസ് ആരംഭിച്ചത്. ആകെ പ്രവേശനം നേടിയ 245 പേര്‍ക്കൊപ്പമാണ് പ്ലസ് ടു വിദ്യാര്‍ത്ഥിനിയും കടന്നുകൂടിയത്. കുട്ടിയുടെ പേര് ഹജര്‍ പട്ടികയിലുണ്ട്. എന്നാല്‍ പ്രവേശന രജിസ്റ്ററില്‍ ഇല്ല. വിദ്യാര്‍ത്ഥിനിയുടെ പേര് എങ്ങനെ ഹാജര്‍ പട്ടികയില്‍ ഉള്‍പ്പെട്ടു എന്ന കാര്യത്തില്‍ പൊലീസ് അന്വേഷണം നടത്തുന്നുണ്ട്.