കോന്നി: കൂട്ട അവധിയെടുത്ത് കോന്നി താലൂക്ക് ഓഫിസ് ജിവനക്കാരുടെ വിനേദയാത്ര. 60 ജീവനക്കാരുള്ള ഓഫിസില്‍ 21 പേര്‍ മാത്രമാണ് ഇന്ന് ജോലിക്കെത്തിയത്. 39 പേര്‍ അവധിയിലായിരുന്നു. വിവിധ ആവശ്യങ്ങള്‍ക്കായി ഓഫിസിലെത്തിയ ജനങ്ങള്‍ ബുദ്ധിമുട്ടിലായി.

അതേസമയം, സംഭവത്തില്‍ നടപടി ഉണ്ടാകുമെന്ന് കോന്നി എം.എല്‍.എ കെ.യു ജനീഷ് കുമാര്‍ അറിയിച്ചു. ജീവനക്കാരുടെ കൂട്ട അവധി ധാര്‍ഷ്ട്യമാണെന്ന് അദ്ദേഹം ചൂണ്ടിക്കാട്ടി. 60 ജീവനക്കാരുള്ള ഓഫിസില്‍ 21 പേര്‍ മാത്രമാണ് ഇന്ന് ജോലിക്കെത്തിയത്. 39 പേര്‍ അവധിയിലാണ്. ഇതില്‍ 19 പേര്‍ മാത്രമേ അവധിക്ക് അപേക്ഷിച്ചിട്ടുള്ളു. രണ്ടുപേര്‍ അനധികൃതമായി അവധിയെടുത്തുവെന്നും എം.എല്‍.എ ആരോപിച്ചു. റവന്യൂ മന്ത്രിയെ വിവരം ധരിപ്പിച്ചിട്ടുണ്ടെന്നും ജനങ്ങളെ വലയ്ക്കുന്ന ഇത്തരം നടപടികള്‍ പ്രോല്‍സാഹിപ്പിക്കില്ലെന്നും അദ്ദേഹം പറഞ്ഞു. ജീവനക്കാര്‍ക്ക് അര്‍ഹതപ്പെട്ട ലീവ് എടുക്കുന്നതില്‍ തടസമില്ല. എന്നാല്‍ ഇത്രയേറെപ്പേര്‍ക്ക് ഒന്നിച്ച് ലീവ് അനുവദിക്കേണ്ടതുണ്ടോയെന്ന് മേലധികാരി തീരുമാനിക്കണമെന്നും ജനീഷ് കുമാര്‍ പറഞ്ഞു.