2022 January 18 Tuesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഭീമ കൊറേഗാവ് കേസ്: ആക്ടിവിസ്റ്റ് സുധ ഭരദ്വാജിന് ജാമ്യം

മുംബൈ: ഭീമ കൊറേഗാവ് കേസില്‍ ആക്ടിവിസ്റ്റ് സുധ ഭരദ്വാജിന് ജാമ്യം അനുവദിച്ച് ബോംബെ ഹൈക്കോടതി. സാധാരണ ജാമ്യത്തിന് സുധ ഭരദ്വാജിന് അര്‍ഹതയുണ്ട് എന്നാണ് ഹൈക്കോടതി ഉത്തരവിട്ടിരിക്കുന്നത്. അതേലമയം, മലയാളിയായ ആക്ടിവിസ്റ്റ് റോണ വില്‍സണ്‍ അടക്കം എട്ട് പേര്‍ക്ക് ജാമ്യം നിഷേധിച്ചു.

ഡിസംബര്‍ എട്ടിന് സുധ ഭരദ്വാജിനെ എന്‍.ഐ.എ കോടതിയില്‍ ഹാജരാക്കിയ ശേഷം ജയില്‍ മോചിതയാക്കാനുള്ള കാര്യങ്ങള്‍ ചെയ്യണമെന്നും കോടതി വ്യക്തമാക്കി. സുധ ഭരധ്വാജിന് രണ്ടാഴ്ച മുമ്പ് സുപ്രിംകോടതി ജാമ്യം നിഷേധിച്ചിരുന്നു. ദേശീയ അന്വേഷണ ഏജന്‍സി അന്വേഷിക്കുന്ന കേസില്‍ ഇടപെടാനാകില്ലെന്നാണ് അന്ന് സുപ്രിംകോടതി വ്യക്തമാക്കിയത്.

കേസില്‍ നേരത്തെ ജാമ്യം അനുവദിച്ച തെലുങ്ക് കവി വര റാവു (81) വിന്റെ ജാമ്യം ഡിസംബര്‍ ആറു വരെ നീട്ടിയിട്ടുണ്ട്. ആരോഗ്യപരമായ കാരണങ്ങളും ചികിത്സയും ചൂണ്ടിക്കാട്ടിയാണ് അദ്ദേഹത്തിന് ജാമ്യം അനുവദിച്ചിരുന്നത്. കേസില്‍ തടവിലായിരുന്ന സ്റ്റാന്‍ സ്വാമി കസ്റ്റഡിയിലിരിക്കെയാണ് മരണത്തിന് കീഴടങ്ങിയത്. ആരോഗ്യപ്രശ്‌നങ്ങളുണ്ടായിട്ടും അദ്ദേഹത്തിന് ജാമ്യം അനുവദിച്ചിരുന്നില്ല.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.