കോഴിക്കോട്: കരിപ്പൂര്‍ വിമാനത്താവളത്തിനടുത്ത് ഉഗ്ര ശേഷിയുള്ള ഗുണ്ട് കണ്ടെത്തി. റണ്‍വേയുടെ സുരക്ഷാ മതിലിനോട് ചേര്‍ന്നാണ് ഗുണ്ട് കണ്ടെത്തിയത്. കൊണ്ടോട്ടി ഗവ. ഹയര്‍സെക്കന്‍ഡറി സ്‌കൂളിനു സമീപം സംസ്ഥാനപാത 65ല്‍ സുരക്ഷാ മതിലിനോട് ചേര്‍ന്നാണ് സ്‌ഫോടകവസ്തു.
നാട്ടുകാര്‍ അറിയിച്ചതനുസരിച്ച് കൊണ്ടോട്ടി ഡിവൈ.എസ്.പി പി.കെ അഷ്‌റഫ് സ്ഥലത്തെത്തുകയും മലപ്പുറത്ത് നിന്നു ബോംബ് സ്‌ക്വാഡ് എത്തി ഗുണ്ട് നിര്‍വീര്യമാക്കുകയും ചെയ്തു.