കണ്ണൂര്‍ സര്‍വകലാശാല വി.സി നിയമനം; ഗവര്‍ണര്‍ക്ക് സുപ്രിംകോടതി നോട്ടിസ്
ന്യൂഡല്‍ഹി : കണ്ണൂര്‍ സര്‍വകലാശാല വിസി പുനര്‍നിയമനത്തിനെതിരായ ഹരജിയില്‍ ചാന്‍സലര്‍ കൂടിയായി ഗവര്‍ണര്‍ക്ക് നോട്ടിസ് അയച്ച് സുപ്രിം കോടതി. സംസ്ഥാന സര്‍ക്കാര്‍, കണ്ണൂര്‍ സര്‍വകലാശാല, വൈസ് ചാന്‍സലര്‍ ഗോപിനാഥ് രവീന്ദ്രന്‍ എന്നിവര്‍ക്കും കോടതി നോട്ടിസ് അയച്ചു. സര്‍വകലാശാല വിസിയായി ഗോപിനാഥ് രവീന്ദ്രനെ വീണ്ടും നിയമിച്ചതിനെതിരെ നല്‍കിയ ഹരജിയലാണ് നടപടി.
പുനര്‍നിയമനം ശരിവച്ച ഹൈക്കോടതി നടപടി റദ്ദാക്കണമെന്നാവശ്യപ്പെട്ട് കണ്ണൂര്‍ സര്‍വകലാശാല സെനറ്റ് അംഗം ഡോ. പ്രേമചന്ദ്രന്‍ കീഴോത്ത്, അക്കാദമിക് കൗണ്‍സില്‍ അംഗം ഡോ. ഷിനോ പി. ജോസ് എന്നിവരാണ് സുപ്രിംകോടതിയെ സമീപിച്ചത്.
വി.സിയുടെ നിയമനവും പുനര്‍നിയമനവും തമ്മില്‍ വ്യത്യാസമുണ്ടെന്നും ആദ്യ നിയമനത്തിനുള്ള നടപടി ക്രമങ്ങള്‍ പുനര്‍നിയമനത്തില്‍ പാലിക്കേണ്ടതില്ലെന്നുമായിരുന്നു സിംഗിള്‍ ബെഞ്ചിന്റെ വിലയിരുത്തല്‍. ഈ വിലയിരുത്തല്‍ നിയമപരമല്ലെന്നും പുനര്‍നിയമനത്തിന് സെര്‍ച് കമ്മിറ്റി നടപടികളും യു.ജി.സി വ്യവസ്ഥകളും ബാധകമാണെന്നുമാണ് ഹരജിക്കാര്‍ വാദിച്ചത്.
വി.സിയുടെ പുനര്‍നിയമനവുമായി ബന്ധപ്പെട്ട് ഗവര്‍ണര്‍ ആരിഫ് മുഹമ്മദ് ഖാനും സംസ്ഥാന സര്‍ക്കാരും തമ്മില്‍ വലിയ വാക്കുതര്‍ക്കം നടന്നിരുന്നു ഇങ്ങനെ പ്രവര്‍ത്തിക്കാനാകില്ലെന്നും സംസ്ഥാനത്തെ ചാന്‍സലര്‍ പദവി ഒഴിയുമെന്നും ഗവര്‍ണര്‍ തുറന്നടിച്ചിരുന്നു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Comments are closed for this post.
Latest News
- ശബരിമലയില് പെണ്കുട്ടി കുഴഞ്ഞു വീണു മരിച്ചു
- വിരലടയാളം തെളിയാത്തവര്ക്കും ആധാര് നല്കണം; കേന്ദ്ര സര്ക്കാരിന്റെ മാര്ഗനിര്ദേശം മാറ്റി
- വിജയ് ഹസാരെ ട്രോഫി: മഹാരാഷ്ട്രയ്ക്കെതിരെ കേരളത്തിന് തകര്പ്പന് ജയം
- പ്രവാസികൾക്ക് സന്തോഷ വാർത്ത; കേരള-ഗള്ഫ് യാത്രാക്കപ്പല് യാഥാര്ഥ്യത്തിലേക്ക്
- ചാറ്റ് ജിപിടിയെ തറപറ്റിക്കാന് ഗൂഗിള് ജെമിനി എത്തുന്നു; മനുഷ്യബുദ്ധിയേയും മറികടക്കുമെന്ന് കമ്പനി
