വാഷിങ്ടണ്‍: യു.എസ് റിപ്പബ്ലിക്കന്‍ സെനറ്ററായ ജോണ്‍ മെക്കയിന് ബ്രയിന്‍ ക്യാന്‍സര്‍. അദ്ദേഹത്തിന്റെ ഓഫിസാണ് അസുഖം സ്ഥിരീകരിച്ചത്. എണ്‍പതുകാരനായ മെക്കയിനെ കീമോതെറാപ്പിയും റേഡിയേഷനും വിധേയമാക്കിയിട്ടുണ്ടെന്ന് അദ്ദേഹത്തെ ചികിത്സിക്കുന്ന ഡോക്ടര്‍മാര്‍ അറിയിച്ചു.

ചികിത്സയിലൂടെ മെക്കയിന്റെ ആരോഗ്യം മെച്ചപ്പെട്ടിട്ടുണ്ടെന്നും ഇടത് കണ്ണിനു സമീപത്തുള്ള ട്യൂമര്‍ ശസ്ത്രക്രിയയിലൂടെ നീക്കം ചെയ്തിട്ടുണ്ടെന്നും ഡോക്ടര്‍മാര്‍ അറിയിച്ചു. യു.എസിലെ സെനറ്റര്‍മാരില്‍ മുതിര്‍ന്നയാളാണ് റിപ്പബ്ലിക്കന്‍ സെനറ്ററായ ജോണ്‍ മെക്കയിന്‍.

ആറു തവണ സെനറ്റര്‍ ആയ മെക്കയിന്‍ 2008ലെ റിപ്പബ്ലിക്കന്‍ പാര്‍ട്ടിയുടെ പ്രസിഡന്റ് സ്ഥാനാര്‍ഥിയായിരുന്നു. മെക്കയിന്‍ എല്ലാ ആര്‍ഥത്തിലും ഒരു പോരാളിയാണ്. അദ്ദേഹം തിരിച്ചുവരുമെന്ന് പ്രസിഡന്റ് ഡൊണാള്‍ഡ് ട്രംപ് പറഞ്ഞു.