ജെ.എൻ.യുവിലെ പുതിയ വി.സിയുടെ ട്വീറ്റുകൾ പുറത്ത്; ഗാന്ധിയും ഗോഡ്സെയും ഒരുപോലെ, ജെ.എൻ.യുവിലെ വിദ്യാർഥി സംഘടനകൾ ‘തീവ്ര നക്‌സൽ ഗ്രൂപ്പുകൾ, മുസ്‍ലിംകൾ ജിഹാദികൾ
ന്യൂഡൽഹി: ജവഹർലാൽ നെഹ്‌റു സർവകലാശാലയുടെ ആദ്യ വനിതാ വൈസ് ചാൻസലറായി ശാന്തിശ്രീ ധൂലിപ്പുടി പണ്ഡിറ്റിനെയാണ് കേന്ദ്രവിദ്യാഭ്യാസ മന്ത്രാലയം നിയമിച്ചിരിക്കുന്നത്.
നിയമന വിവരം പുറത്തുവന്നതോടെ ഇവരുടെ വിവരങ്ങൾ അന്വേഷിച്ചവർ കണ്ടത് ഞെട്ടിക്കുന്ന വിവരങ്ങൾ.
രാജ്യത്തെ ന്യൂനപക്ഷങ്ങളെക്കുറിച്ചും, കർഷകരെക്കുറിച്ചുമെല്ലാം വിദ്വേഷ ട്വീറ്റുകൾകൊണ്ട് നിറഞ്ഞിരിക്കുകയാണ് പുതിയ വി.സിയുടെ ട്വിറ്റർ അക്കൗണ്ട്.. ഗാന്ധിയും ഗോഡ്സെയും തനിക്ക് ഒരുപോലെയാണെന്നും രണ്ടുപേരേയും അംഗീകരിക്കുന്നതായും ഇവർ ട്വീറ്റ് ചെയ്തിട്ടുണ്ട്. എല്ലാം പോരാഞ്ഞ് ജെ.എൻ.യു നക്സലുകളാൽ നിറഞ്ഞിരിക്കുന്നുവെന്നും അവരെ നിരോധിക്കണമെന്നുമാണ് 2020 ജനുവരിയിൽ ശാന്തിശ്രീ ട്വീറ്റ് ചെയ്തിരിക്കുന്നത്.
Newly appointed Vice Chancellor of JNU. pic.twitter.com/tkxv9wAG4Z
— Mohammed Zubair (@zoo_bear) February 7, 2022
ക്രിസ്ത്യാനികളെയും മുസ്ലീങ്ങളെയും അപകീർത്തിപ്പെടുത്തുന്ന പരാമർശങ്ങൾ ഇവർ നടത്തിയിട്ടുണ്ടെന്ന് പ്രതിപക്ഷ നേതാക്കളും വസ്തുതാ പരിശോധനാ സംഘങ്ങളും ചൂണ്ടിക്കാട്ടുന്നു. കർഷകരുടെ പ്രതിഷേധത്തെ അവഹേളിച്ചും മഹാത്മാഗാന്ധിയുടെ കൊലപാതകിയെ അനുകൂലിച്ചും ഇവർ ട്വീറ്റ് ചെയ്തിട്ടുണ്ട്. ഇന്ത്യൻ ക്രിസ്ത്യാനികളെ ‘അരി സഞ്ചിക്കായി മതം മാറിയവർ’ എന്നാണ് പുതിയ വി.സി പരിഹസിക്കുന്നതെന്ന് തൃണമൂൽ കോൺഗ്രസ് നേതാവ് സാകേത് ഗോഖലെ ചൂണ്ടിക്കാട്ടുന്നു.
ഒരു ട്വീറ്റിൽ, ഇസ്ലാമിലെ സുന്നി വിഭാഗത്തിൽപ്പെട്ട മുസ്ലീങ്ങൾ ‘തീവ്രവാദികൾ’ ആണെന്ന് ഇവർ പറയുന്നു. മറ്റൊരു ട്വീറ്റിൽ ‘മാനസിക രോഗിയായ ജിഹാദികൾ’ എന്ന വാചകവും ഉപയോഗിച്ചിട്ടുണ്ട്. കഴിഞ്ഞ വർഷം മേയിൽ പോസ്റ്റ് ചെയ്ത ട്വീറ്റിൽ, കർഷക നേതാക്കളായ യോഗേന്ദ്ര യാദവിനേയും രാകേഷ് ടികൈത്തിനെയും പരാമർശിച്ച് ‘പരാന്നഭോജികളായ ഇടനിലക്കാർ’എന്നാണ് പറയുന്നത്.
ജെ.എൻ.യുവിലെ വിദ്യാർഥി സംഘടനകളെ ‘ജെഎൻയുവിൽ നിന്ന് തോറ്റവർ’, ‘തീവ്ര നക്‌സൽ ഗ്രൂപ്പുകൾ’ എന്നിങ്ങനെയാണിവർ വിശേഷിപ്പിക്കുന്നത്.ശാന്തിശ്രീ പണ്ഡിറ്റിനെ അഞ്ച് വർഷത്തേക്ക് ജെ.എൻ.യു വൈസ് ചാൻസലറായി നിയമിക്കുന്നതിനാണ് രാഷ്ട്രപതി രാം നാഥ് കോവിന്ദ് അംഗീകാരം നൽകിയത്. 59 കാരിയായ ശാന്തിശ്രീ പണ്ഡിറ്റ് ജെ.എൻ.യുവിലെ പൂർവ്വ വിദ്യാർഥി കൂടിയാണ്. അവർ ജെ.എൻ.യുവിൽ എം.ഫിലും ഇന്റർനാഷനൽ റിലേഷൻസിൽ പി.എച്ച്‌.ഡിയും ചെയ്തിട്ടുണ്ട്.
Also a Godse Bhakt.
‘Godse thought action was important and identified the solution…..’ pic.twitter.com/PDAk8lMIh5— Mohammed Zubair (@zoo_bear) February 7, 2022
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- പ്രധാനമന്ത്രിയുടെ ഹെലികോപ്റ്ററിന് സമീപം ആകാശത്ത് കറുത്ത ബലൂണ് പറത്തി കോണ്ഗ്രസ് പ്രതിഷേധം
- കുഞ്ഞിനെ പ്രസവിച്ചെന്നു നുണ പറഞ്ഞു; ഭര്തൃവീട്ടുകാരെ ബോധ്യപ്പെടുത്താന് നവജാത ശിശുവിനെ തട്ടിക്കൊണ്ടുവന്നു; യുവതി അറസ്റ്റില്
- അഭയകേസില് ദൈവത്തിന്റെ കൈയൊപ്പുണ്ട്, ഫാ.തോമസ് കോട്ടൂരിന്റെ രോഗം ഇതിനു തെളിവെന്ന് ജോമോന് പുത്തന്പുരയ്ക്കല്
- ‘ക്രമക്കേടുകളും അച്ചടക്കരാഹിത്യവും വര്ധിച്ചാല് ഞാന് സ്വേച്ഛാധിപതിയായി മാറും’; മുന്നറിയിപ്പുമായി എം.കെ സ്റ്റാലിന്
- ഹോട്ടലുകളിലും റെസ്റ്റോറന്റുകളിലും സര്വീസ് ചാര്ജ് ഈടാക്കാന് പാടില്ല
