2021 March 06 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ട്രിപ്പിള്‍ ക്യാഷ് ബാക്ക് ഓഫറുമായി ജിയോ

തങ്ങള്‍ക്ക് സമാനമായ ഓഫറുകളുമായി മറ്റു കമ്പനികളും രംഗത്തെത്തിയപ്പോള്‍ അതിനെ വെല്ലാന്‍ പുതിയ ഓഫറുമായി ജിയോ. ക്യാഷ് ബാക്ക് ഓഫറാണ് പുതുതായി അവതരിപ്പിച്ചിരിക്കുന്നത്. 399 രൂപയ്‌ക്കോ അതിന് മുകളിലോ റീചാര്‍ജ് ചെയ്യുന്നവര്‍ക്ക് 2,599 രൂപ വരെ ക്യാഷ് ബാക്കായി ലഭിക്കുമെന്നാണ് ജിയോയുടെ വാഗ്ദാനം.

നവംബര്‍ 10 മുതല്‍ 25 വരെയാണ് ഈ ഓഫറിന്റെ കാലാവധി. 399 രൂപയ്‌ക്കോ അതിന് മുകളിലോ റീചാര്‍ജ് ചെയ്യുന്നവര്‍ക്കാണ് ഓഫര്‍ ലഭ്യമാവുക.

മൂന്നു വിഭാഗമായാണ് പണം തിരികെ ലഭിക്കുക. 400 രൂപ ക്യാഷ് ബാക്കായി ഉടന്‍ മൈ ജിയോയില്‍ ലഭ്യമാവും. 300 രൂപ ക്യാഷ് ബാക്ക് വൗച്ചറായും 1899 രൂപയ്ക്ക് ഓണ്‍ലൈന്‍ വഴി ഷോപ്പിങ് നടത്തുകയും ചെയ്യാം. ആമസോണ്‍, പേടിഎം, ഫോണ്‍പെ, മൊബിക്വിക്ക്, ആക്‌സിസ് പേ, ഫ്രീ റീചാര്‍ജ് എന്നീ വെബ്‌സൈറ്റുകള്‍ വഴി ഷോപ്പിങ് നടത്താവുന്നതാണ്. ജിയോ പ്രൈം അംഗങ്ങള്‍ക്ക് മാത്രമാണ് ഈ ഓഫര്‍ ലഭ്യമാക്കിയിട്ടുള്ളത്.

ഡിജിറ്റല്‍ വോലെറ്റിലാണ് ക്യാഷ് ബാക്ക് ലഭ്യമാവുക. നവംബര്‍ 15 നായിരിക്കും ക്യാഷ് ബാക്ക് വൗച്ചര്‍ വോലെറ്റിലെത്തുക. ദീപാവലിയോടനുബന്ധിച്ച് 100 ശതമാനം ക്യാഷ് ബാക്ക് ഓഫര്‍ ചെയ്തിരുന്നു. 399 രൂപയ്ക്ക് റീചാര്‍ജ് ചെയ്തവര്‍ക്ക് 400 രൂപ തിരികെ ലഭിച്ചിരുന്നു. എന്നാല്‍ ജിയോ വലിയൊരു തുക ക്യാഷ് ബാക്കായി ഓഫര്‍ ചെയ്യുന്നത് ഇതാദ്യമായാണ്.


 

 

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.