തിരുവനന്തപുരം: എന്‍.ഐ.എ വിളിച്ചത് ചോദ്യം ചെയ്യാനല്ലെന്നും സാക്ഷിമൊഴി രേഖപ്പെടുത്താനാണെന്നും മന്ത്രി കെടി ജലീല്‍. എല്ലാ ചോദ്യങ്ങള്‍ക്കും കൃത്യമായി ഉത്തരം നല്‍കി. സ്വര്‍ണക്കടത്തുമായി ബന്ധപ്പെട്ട് തന്നോട് ഒന്നും ചോദിച്ചില്ല. മതഗ്രന്ധങ്ങള്‍ കൊണ്ടുവന്നതുമായി ബന്ധപ്പെട്ടായിരുന്നു ചോദ്യങ്ങള്‍ എന്നും ജലീല്‍ പ്രതികരിച്ചു. പറയാനുള്ളതെല്ലാം എന്‍.ഐ.എ യോട് പറഞ്ഞു. താന്‍ സന്തോഷവാനാണ്. മനസ്സിലുള്ള ഭാരം ഇറക്കി വെച്ചു. ചോദ്യ ചെയ്യലിനു ശേഷം എന്‍.ഐ.എക്ക് തൃപ്തികരമായി എന്നാണ് തോന്നുന്നതെന്നും മന്ത്രി ഒരു സ്വകാര്യ ചാനലിനോട് പറഞ്ഞു.