കൊച്ചി: സോഷ്യൽ മീഡിയയിൽ വിവാദമായ പല പോസ്റ്റുകളിലൂടെ പ്രമുഖനായ അഡ്വക്കേറ്റ് ജഹാംഗീർ ആമിന റസാഖിനെതിരെ ബലാത്സംഗക്കേസ് രജിസ്റ്റർ ചെയ്തു. കോഴിക്കോട് എലത്തൂർ പോലീസ് സ്റ്റേഷനിൽ ആണ് ജഹാംഗീറിനെതിരെ പീഢന കേസ് രജിസ്റ്റർ ചെയ്തത്. വിവാഹ വാഗ്ദാനം നല്‍കി പീഡിപ്പിച്ചെന്ന കോഴിക്കോട് സ്വദേശിയായ യുവതിയുടെ പരാതിയിലാണ് കേസെടുത്തത്. 2021 മാര്‍ച്ച് മുതല്‍ ഒക്ടോബര്‍ വരെയുള്ള കാലയളവില്‍ കോഴിക്കോട്ടെ ലോഡ്ജില്‍ വച്ച് പീഡിപ്പിച്ചെന്നാണ് യുവതി മൊഴി നല്‍കിയത്.

പരാതിക്കാരിയുടെ മെഡിക്കൽ പരിശോധന, മജിസ്‌ട്രേറ്റിനു മുമ്പിൽ മൊഴികൊടുക്കൽ എന്നിവയെല്ലാം പൂർത്തിയായി. ഇയാൾ പല പ്രമുഖരെയും പരിചയപ്പെട്ടിരുന്നത് അഡ്വക്കേറ്റ് എ ജയശങ്കറിന്റെ അസോസിയേറ്റ് എന്ന് സ്വയം പരിചയപ്പെടുത്തിയാണ്. എന്നാൽ ഇത് വ്യാജമാണെന്ന് അഡ്വക്കേറ്റ് ജയശങ്കർ നേരത്തെ തന്നെ വ്യക്തമാക്കിയിരുന്നു.