It is suggested that restaurants should provide drinking water free of cost

കുവൈത്ത് സിറ്റി : റസ്റ്റോറന്റുകളിലും കഫേകളിലും ഉപഭോക്താക്കൾക്ക് ഫിൽട്ടർ ചെയ്ത കുടിവെള്ളം സൗജന്യമായി നൽകണമെന്നു വാണിജ്യ വ്യവസായ മന്ത്രി മുഹമ്മദ് അൽ എബാൻ വ്യക്തമാക്കി. ഇതിനു പുറമെ റെസ്റ്റോറന്റുകളും കഫേകളും കുപ്പിവെള്ളം വാങ്ങാൻ ഉപഭോക്താക്കളെ നിർബന്ധിക്കരുതെന്നും വാണിജ്യ വ്യവസായ മന്ത്രി പുറത്തിറക്കിയ ഉത്തരവിൽ ആവശ്യപ്പെടുന്നുണ്ട്. എല്ലാ റെസ്റ്റോറന്റുകളും കഫേകളും വെള്ളത്തിന്റെ ഗുണനിലവാരം ഉറപ്പുവരുത്താൻ ഔദ്യോഗിക അതോറിറ്റികളുടെ നിർദേശങ്ങൾ കൃത്യമായി പാലിക്കണം. ഉപഭോക്താവിന് നൽകുന്ന വെള്ളത്തിനായി പ്രത്യേക ഫിൽട്ടർ സ്ഥാപിക്കണമെന്നും ഉത്തരവിൽ വ്യക്തമാക്കിയിട്ടുണ്ട്.