2024 February 25 Sunday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

സഊദി അറേബ്യയിലേക്ക് ഇറാൻ കോൺസുലർ പ്രതിനിധി സംഘത്തെ അയക്കും

തെഹ്റാൻ: ഹജ്ജിന്റെ ഭാഗമായി സഊദി അറേബ്യയിലേക്ക് ഇറാൻ കോൺസുലർ പ്രതിനിധി സംഘത്തെ അയക്കുമെന്ന് റിപ്പോർട്ട്. ഇറാനിയൻ പൗരന്മാരെയും ലോകമെമ്പാടുമുള്ള അവരുടെ അവകാശങ്ങളെയും സംരക്ഷിക്കുന്നതിനുള്ള ദൗത്യത്തിന്റെ ഭാഗമായാണ് ഇറാൻ വിദേശകാര്യ മന്ത്രാലയം ഈ വർഷം ഹജ്ജ് തീർത്ഥാടനത്തിന് പ്രതിനിധി സംഘത്തെ അയയ്‌ക്കുമെന്ന് ഇറാനിൽ നിന്നുള്ള മാധ്യമങ്ങൾ റിപ്പോർട്ട് ചെയ്യുന്നു.

2015 ലെ തീർത്ഥാടന സമയത്തെ സംഭവങ്ങളെത്തുടർന്ന് റിയാദിലെ ഇറാൻ എംബസിയോ ജിദ്ദയിലെ ഇറാൻ കോൺസുലേറ്റോ സജീവമല്ലാത്തതിനാൽ കോൺസുലാർ സേവനങ്ങൾ നൽകുന്നതിനായി 6 അംഗ കോൺസുലർ പ്രതിനിധി സംഘത്തെ അയയ്ക്കുന്നുവെന്ന് ഇറാനിയൻ സെമി വാർത്താ ഏജൻസിയായ ഇസ്‌ന റിപ്പോർട്ട് ചെയ്യുന്നു. 2015 ലെ തീർത്ഥാടന സമയത്തെ ഈ സംഭവത്തിന് ശേഷം ഇരു രാജ്യങ്ങളും തമ്മിൽ കടുത്ത ശത്രുതയിലാണ്. 

കഴിഞ്ഞ വർഷങ്ങളിൽ ഹജ്ജ് തീർത്ഥാടന വേളയിൽ ഇറാൻ സഊദി അറേബ്യയിലേക്ക് കോൺസുലർ പ്രതിനിധികളെ അയച്ചിരുന്നു. ഇറാഖ് തലസ്ഥാനമായ ബാഗ്ദാദിൽ നടന്ന ചർച്ചയിൽ ഇറാനും സഊദി അറേബ്യയും തമ്മിൽ ചർച്ച ചെയ്ത പ്രധാന വിഷയങ്ങളിലൊന്നാണ് തീർത്ഥാടനമെന്ന് റിപ്പോർട്ട്. ഈ വർഷത്തെ ഹജ്ജ് തീർത്ഥാടനം ജൂലൈ ആദ്യ വാരമാണ് നടക്കുക.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.