2023 January 28 Saturday
ശരീരത്തിനു വ്യായാമം പോലെതന്നെയാകുന്നു മനസ്സിന് വായന. -റിച്ചാർഡ് സ്റ്റീൽ

ഐസിസിയുടെ മികച്ച ടി20 താരമായി സൂര്യകുമാര്‍ യാദവ്

ദുബായ്: ഐസിസിയുടെ കഴിഞ്ഞ വര്‍ഷത്തെ മികച്ച ടി20 താരം എന്ന നേട്ടം ഇന്ത്യൻ താരത്തിന് ലഭിച്ചു. സൂര്യകുമാര്‍ യാദവിനെയാണ് മികച്ച ടി20 താരമായി തെരഞ്ഞെടുത്തത്. നിലവില്‍ ടി20 റാങ്കിംഗില്‍ ഒന്നാം സ്ഥാനത്തുള്ള സൂര്യകുമാർ ടി20 ക്രിക്കറ്റില്‍ അരങ്ങേറി രണ്ട് വർഷത്തിനുള്ളിലാണ് ഐസിസിയുടെ ഈ നേട്ടം സ്വന്തമാക്കുന്നത്.

2021 മാര്‍ച്ചില്‍ ഇംഗ്ലണ്ടിനെതിരെയാണ് ടി20 ക്രിക്കറ്റില്‍ സൂര്യകുമാര്‍ യാദവ് അരങ്ങേറ്റം കുറിച്ചത്. കഴിഞ്ഞ വര്‍ഷം ഇംഗ്ലണ്ടിനെതിരെ നോട്ടിങ്ഹാമില്‍ 55 പന്തില്‍ 117 റണ്‍സടിച്ച സൂര്യയുടെ പ്രകടനം ടി20 ക്രിക്കറ്റില്‍ സമീപകാലത്തെ ഏറ്റവും മികച്ച ഇന്നിംഗ്സുകളിലൊന്നായാണ് വിലയിരുത്തപ്പെടുന്നത്.

അതിന് പിന്നാലെ ഓസ്ട്രേലിയക്കും ദക്ഷിണാഫ്രിക്കക്കുമെതിരെ അര്‍ധസെഞ്ചുറികള്‍ നേടി. ടി20 ലോകകപ്പില്‍ കളിച്ച ആറ് ഇന്നിംഗ്സുകളില്‍ മൂന്ന് അര്‍ധസെഞ്ചുറികള്‍ അടക്കം 60 റണ്‍സ് ശരാശരി നേടാനും സൂര്യകുമാര്‍ യാദവിനായി.

കഴിഞ്ഞ വര്‍ഷം ടി20 ക്രിക്കറ്റില്‍ 31 മത്സരങ്ങളില്‍ നിന്നായി 1164 റണ്‍സാണ് സൂര്യ നേടിയത്. ടി20 ക്രിക്കറ്റില്‍ ഒരു കലണ്ടര്‍ വര്‍ഷത്തില്‍ 1000 റണ്‍സിലേറെ നേടുന്ന രണ്ടാമത്തെ താരവുമായി മാറാൻ സൂര്യകുമാറിന് ഇതുവഴി സാധിച്ചു. ടി20 ചരിത്രത്തില്‍ ഒരുവര്‍ഷം ബാറ്റര്‍ നേടുന്ന ഏറ്റവും കൂടുതല്‍ സിക്സുകളെന്ന (68) റെക്കോര്‍ഡും സൂര്യകുമാർ യാദവിന്റെ പേരിലാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.