2021 January 25 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സഊദി അരാംകോ എണ്ണ കേന്ദ്രത്തിന് നേരെയുള്ള മിസൈൽ ആക്രമണത്തെ ഇന്ത്യ അപലപിച്ചു

    റിയാദ്: സഊദി ദേശീയ എണ്ണകമ്പനിയായ സഊദി അരാംകോ എണ്ണ സംവിധാനത്തിന് നേരെ യമനിലെ വിമത വിഭാഗമായ ഹൂതികൾ നടത്തിയ മിസൈൽ ആക്രമണത്തെ ഇന്ത്യ അപലപിച്ചു. ഇത്തരം ആക്രമണങ്ങൾക്കെതിരെ സഊദി അറേബ്യയുമായി ഐക്യ ദാർഢ്യം പുലർത്തുന്നതായി ഇന്ത്യ വ്യക്തമാക്കി. നവംബർ 23 ന് സഊദി അറേബ്യയിലെ ജിദ്ദയിലെ സഊദി അരാംകോ എണ്ണ ഉത്പാദന വിതരണ കേന്ദ്രം ലക്ഷ്യമിട്ടുള്ള മിസൈൽ ആക്രമണത്തെ ഇന്ത്യ ശക്തമായി അപലപിക്കുന്നതായി ഇന്ത്യൻ വിദേശ കാര്യ മന്ത്രാലയ വക്താവ് അനുരാഗ് ശ്രീവാസ്‌തവ പറഞ്ഞു.

    സഊദി എണ്ണവിതരണ, ഉത്പാദന കേന്ദ്രങ്ങൾക്ക് നേരെ നടന്ന ആക്രമണത്തിനെതിരേ ലോക രാജ്യങ്ങൾ ശക്തമായ ഭാഷയിലാണ് അപലപിച്ചത്. യമനിലെ ഹൂതികൾക്ക് ഇറാൻ സഹായം ലഭ്യമാകുന്നുവെന്നും ഇതുപയോഗിച്ചാണ് സഊദിക്കെതിരെയും മറ്റും ഹൂതികൾ ആക്രമണം നടത്തുന്നതെന്നുമാണ് സഊദിയുടെ കണ്ടെത്തൽ. നിരവധി തെളിവുകൾ സഊദി ഇതിനകം പുറത്ത് വിടുകയും ചെയ്‌തിട്ടുണ്ട്‌. എണ്ണ സംവിധാനങ്ങൾക്കെതിരെയുള്ള ആക്രമണങ്ങൾ അന്താരാഷ്ട്ര ഊർജ്ജ മേഖലക്ക് നേരെയുള്ള ആക്രമണമാണെന്ന് വിവിധ രാജ്യങ്ങൾ മുന്നറിയിപ്പ് നൽകിയിട്ടുണ്ട്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.