2022 November 30 Wednesday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

മെഹ്ബൂബ മുഫ്തിയും അബ്ദുല്ലമാരും വേഗത്തില്‍ മോചിതരാവാന്‍ പ്രാര്‍ഥിക്കുന്നു: രാജ്‌നാഥ് സിങ്

 

ന്യൂഡല്‍ഹി: ജമ്മു കശ്മീര്‍ മുന്‍ മുഖ്യമന്ത്രിമാരായ മെഹ്ബൂബ മുഫ്തിയും ഉമര്‍ അബ്ദുല്ലയും ഫാറൂഖ് അബ്ദുല്ലയും എത്രയും വേഗത്തില്‍ മോചിതരാവട്ടേയെന്ന് പ്രാര്‍ഥിക്കുകയാണെന്ന് കേന്ദ്ര പ്രതിരോധ മന്ത്രി രാജ്‌നാഥ് സിങ്. കശ്മീരിലെ സ്ഥിതി ശാന്തമാവാന്‍ അവര്‍ പ്രയത്‌നിക്കുമെന്നു പ്രതീക്ഷിക്കുന്നതായും രാജ്‌നാഥ് സിങ് പറഞ്ഞു.

ജമ്മു കശ്മീരിന് പ്രത്യേകാവകാശം നല്‍കിയിരുന്ന 370-ാം വകുപ്പ് റദ്ദാക്കിയതിനു മുന്നോടിയായി ഓഗസ്റ്റ് അഞ്ചു മുതല്‍ തടങ്കലിലാണ് കശ്മീരിലെ നിരവധി രാഷ്ട്രീയ നേതാക്കള്‍. ചിലര്‍ പിന്നീട് തടവിലായെങ്കിലും മുന്‍ മുഖ്യമന്ത്രിമാരായ ഈ മൂന്നുപേരും ഇപ്പോഴും തടങ്കലിലാണ്. പൊതുസുരക്ഷാ നിയമപ്രകാരമാണ് ഇവരെ എല്ലാവരെയും ഇപ്പോഴും തടങ്കലില്‍ പാര്‍പ്പിക്കുന്നത്.

ഐ.എ.എന്‍.എസ് ടി.വിക്ക് നല്‍കിയ അഭിമുഖത്തിലാണ് രാജ്‌നാഥ് സിങ്ങിന്റെ പ്രസ്താവന. കശ്മീരിന്റെ താല്‍പര്യം പരിഗണിച്ച് ചില തീരുമാനങ്ങള്‍ സര്‍ക്കാര്‍ കൈക്കൊണ്ടിട്ടുണ്ട്. ഇത് എല്ലാവരും അംഗീകരിക്കണമെന്നും അദ്ദേഹം പറഞ്ഞു.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.