ന്യൂയോർക്ക്: മൂന്നാം ലോകമഹായുദ്ധം തടയാൻ കഴിവുള്ള ഏക പ്രസിഡന്റ് സ്ഥാനാർത്ഥി താനെന്ന് പ്രഖ്യാപിച്ച് മുൻ അമേരിക്കൻ പ്രസിഡന്റ് ഡൊണാൾഡ് ട്രംപ്. ലോകത്തിന് ഇതിലും അപകടകരമായ ഒരു കാലം മുൻപ് ഉണ്ടായിട്ടില്ലെന്ന് അഭിപ്രായപ്പെട്ട ട്രംപ് അമേരിക്കയെ രക്ഷിക്കാൻ തനിക്ക് മാത്രമേ കഴിയൂ എന്നും അവകാശപ്പെട്ടു.

2024ൽ ​താ​ൻ അ​മേ​രി​ക്ക​ന്‍ പ്ര​സി​ഡ​ന്‍റാ​യാ​ല്‍ റ​ഷ്യ – യു​ക്രെ​യ്ന്‍ ത​ർ​ക്കം 24 മ​ണി​ക്കൂ​റി​നു​ള്ളി​ൽ പ​രി​ഹ​രി​ക്കും. റഷ്യൻ പ്രസിഡന്റ് വ്ലാ​ദി​മി​ർ പു​ടി​നു​മാ​യി ത​നി​ക്ക് മി​ക​ച്ച ബ​ന്ധ​മു​ണ്ടെ​ന്നും അദ്ദേഹം ത​ന്നെ കേ​ള്‍ക്കു​മെ​ന്നും ട്രം​പ് പ​റ​ഞ്ഞു. നിലവിലെ യു.എസ്‌ പ്രസിഡന്റ് ജോ ​ബൈ​ഡ​ൻ റ​ഷ്യ​യെ ചൈ​ന​യു​ടെ കൈ​ക​ളി​ലേ​ക്ക് ന​യി​ച്ചു എന്നും ട്രംപ് കുറ്റപ്പെടുത്തി. ആ​ണ​വ യു​ദ്ധ​ത്തി​ലേ​ക്കാ​ണ് സ​ര്‍ക്കാ​ര്‍ രാ​ജ്യ​ത്തെ ന​യി​ക്കു​ന്ന​ത് എന്നും ട്രംപ് അ​യോ​വയിൽ പറഞ്ഞു.

2024ലെ ​യു.​എ​സ് പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ന്‍റെ ഭാ​ഗ​മാ​യി തി​ങ്ക​ളാ​ഴ്ച അ​യോ​വ​യി​ലെ ഡാ​വ​ൻ​പോ​ർ​ട്ടി​ൽ ന​ട​ന്ന ആ​ദ്യ പ്ര​ചാ​ര​ണ പ​രി​പാ​ടി​യി​ൽ സം​സാ​രി​ക്കവെയാണ് ട്രംപിന്റെ പരാമർശം. യു.​എ​സ് പ്ര​സി​ഡ​ന്റ് സ്ഥാ​ന​ത്തേ​ക്ക് വീണ്ടും മ​ത്സ​രി​ക്കു​മെ​ന്ന് വ്യക്തമാക്കുന്ന പ്ര​സം​ഗ​മാ​ണ് ട്രം​പ് അ​യോ​വ​യി​ൽ ന​ട​ത്തി​യ​തെ​ന്നാ​ണ് വി​ല​യി​രു​ത്ത​ൽ. 2016 ലെ ​അ​യോ​വ റി​പ്പ​ബ്ലി​ക്ക​ൻ കോ​ക്ക​സി​ൽ ട്രംപ് തോറ്റിരുന്നു.