2024 February 21 Wednesday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

രണ്ട് ലക്ഷം രൂപവരെ ലാഭിക്കാം; ഹ്യുണ്ടായി കാറുകള്‍ വന്‍ ഓഫറില്‍ വാങ്ങാം

ഉത്സവസീസണ്‍ പുരോഗമിക്കുന്നതോടെ ഇന്ത്യയില്‍ വാഹന വില്‍പ്പനയും പൊടിപൊടിക്കുകയാണ്. തങ്ങളുടെ വാഹനങ്ങള്‍ പരമാവധി വിറ്റൊഴിക്കാനായി മികച്ച ഓഫറുകളാണ് ഓരോ വാഹന നിര്‍മ്മാതാക്കളും മാര്‍ക്കറ്റിലേക്ക് അവതരിപ്പിച്ചിരിക്കുന്നത്. ഇന്ത്യന്‍ മാര്‍ക്കറ്റില്‍ കഴിഞ്ഞ മാസം മികച്ച രീതിയില്‍ വിറ്റ് വരവ് നടത്തിയ ഹ്യുണ്ടായിയും ഉത്സകാലത്തെ ലക്ഷ്യമിട്ട് വന്‍ തോതില്‍ ഓഫറുകള്‍ പ്രഖ്യാപിച്ചിട്ടുണ്ട്. ബ്രാന്‍ഡിന്റെ ഇലക്ട്രിക്ക് ശ്രേണിയിലുള്ള വാഹനങ്ങള്‍ക്കാണ് കമ്പനി രണ്ട് ലക്ഷം രൂപവരെയുള്ള ഓഫറുകള്‍ പ്രഖ്യാപിച്ചിരിക്കുന്നത്. കോന ഇവിക്കാണ് ഹ്യുണ്ടായി ഏറ്റവും വലിയ ഡിസ്‌ക്കൗണ്ടായ രണ്ട്‌ലക്ഷം രൂപ ഓഫര്‍ പ്രഖ്യാപിച്ചിരിക്കുന്നത്.

എന്‍ട്രി ലെവല്‍ വാഹനമായ ഗ്രാന്‍ഡ് i10 നിയോസിന് 43000 രൂപയുടെ വരെ ഓഫറാണ് കമ്പനി നല്‍കുന്നത്.. ഇതില്‍ സിഎന്‍ജി പതിപ്പുകള്‍ക്ക് 30,000 രൂപ വരെ ക്യാഷ്ബാക്ക് ലഭിക്കും.ഓറയുടെ ഉത്സവ സീസണ്‍ ഓഫറിലേക്ക് നോക്കിയാല്‍ കാറിന്റെ സിഎന്‍ജിയില്‍ പ്രവര്‍ത്തിക്കുന്ന വേരിയന്റുകള്‍ക്ക് 33,000 രൂപയുടെ ഓഫറാണ് ഈ മാസം ഉപയോഗപ്പെടുത്താനാവുന്നത്. അതേസമയം മറ്റെല്ലാ വകഭേദങ്ങള്‍ക്കും 23,000 രൂപയുടെ ആനുകൂല്യങ്ങളും ഉപഭോക്താക്കള്‍ക്ക് സ്വന്തമാക്കാനാവുമെന്നും ഹ്യുണ്ടായി അറിയിച്ചിട്ടുണ്ട്. ഇവ കൂടാതെ i20, i20 Nലൈന്‍ എന്നിവ വാങ്ങുമ്പോള്‍ ഉപഭോക്താക്കള്‍ക്ക് നല്ലൊരു തുക ലാഭിക്കാനും സാധിക്കും.

പഴയ പ്രീഫെയ്‌സ്‌ലിഫ്റ്റ് i20 പ്രീമിയം ഹാച്ച്ബാക്കിന്റെ ഡിസിടി ഓട്ടോമാറ്റിക് വകഭേദങ്ങള്‍ക്ക് 40,000 രൂപ വരെയാണ് കമ്പനി ഓഫര്‍ ഇട്ടിരിക്കുന്നത്. മറുവശത്ത് സ്‌പോര്‍ട്‌സ് മാനുവല്‍ പതിപ്പുകള്‍ക്ക് 35,000 രൂപ വരെയും ഹ്യുണ്ടായി ഡിസ്‌കൗണ്ട് നല്‍കുന്നുണ്ട്. മോഡലിന്റെ ബാക്കിയുള്ള എല്ലാ വേരിയന്റുകള്‍ക്കും 20,000 രൂപ വരെയുള്ള സ്ഥിരമായ ഓഫര്‍ ലഭിക്കും. ഇത് സ്റ്റോക്ക് തീരുന്നതുവരെ ലഭ്യമാവുമെന്നാണ് പുറത്ത് വരുന്ന വിവരം.

   

Content Highlights:Hyundai Car With Benefits Of Up To Rs 2 lakh

ഓട്ടോമൊബൈൽ വാർത്തകൾക്കായി ​ഗ്രൂപ്പിൽ ജോയിൻ ചെയ്യുക

https://chat.whatsapp.com/L5VT8iIlC86B0SBAKlOU6W


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.