ദുബായ്: നിങ്ങൾ പതിവായി ദുബായ് മെട്രോയോ ബസോ ടാക്‌സിയോ ഉപയോഗിക്കുന്ന വ്യക്തിയാണോ? നിങ്ങൾക്ക് നോൾ കാർഡിനെ കുറിച്ച് അറിയാമോ? ഇല്ലെങ്കിൽ ഉടൻ തന്നെ ഒരു വ്യാക്തിഗത നോൾ കാർഡ് (Nol Card) സ്വന്തമാക്കി യാത്ര എളുപ്പമാക്കൂ. നീല അല്ലെങ്കിൽ പേർസണൽ നോൾ കാർഡാണ് നിങ്ങൾ സ്വന്തമാക്കേണ്ടത്. ഈ കാർഡ് നിങ്ങളുടെ എമിറേറ്റ്‌സ് ഐഡിയുമായും കോൺടാക്ട് ഡീറ്റൈൽസുമായും ബന്ധപ്പെട്ടാണ് ഉള്ളത്.

വ്യക്തിഗത വിവരങ്ങൾ ഒന്നുമില്ലാത്ത വെള്ളി അല്ലെങ്കിൽ സ്വർണ്ണ നോൾ കാർഡിൽ നിന്ന് നീല കാർഡ് വ്യത്യസ്‍തമാണ്. അതിനാൽ തന്നെ നിങ്ങളുടെ നീല കാർഡ് നഷ്‌ടപ്പെടുകയോ മോഷ്‌ടിക്കപ്പെടുകയോ ചെയ്‌താൽ നിങ്ങളുടെ ബാലൻസ് വീണ്ടെടുക്കാനാകും. ഇത് മറ്റുള്ളതിൽ സാധിക്കില്ല.

കൂടാതെ, കാർഡ് ഉപയോഗിച്ച്, ദുബായ് മെട്രോയിൽ കുറഞ്ഞ നിരക്കിൽ യാത്ര ചെയ്യാം. വിദ്യാർത്ഥികൾക്കും മുതിർന്ന പൗരന്മാർക്കും യുഎഇയിലെ താമസക്കാർക്കും ബസ്, മെട്രോ നിരക്കുകളിൽ 50 ശതമാനം ഇളവും ഈ കാർഡ് ഉപയോഗിച്ച് ലഭിക്കും.

രജിസ്റ്റർ ചെയ്യാത്ത കാർഡിൽ 1,000 ദിർഹം വരെ മാത്രമേ ടോപ്പ് ചെയ്യാൻ കഴിയൂ. എന്നാൽ നീല അല്ലെങ്കിൽ വ്യക്തിഗത നോൾ കാർഡ് ആണെങ്കിൽ, നിങ്ങൾക്ക് കാർഡിലേക്ക് ചേർക്കാവുന്ന പരമാവധി 5,000 ദിർഹം വരെ ചേർക്കാം. അതേസമയം ഈ നോൾ കാർഡുകളിലെ ടോപ്പ്-അപ്പ് തുക പൊതുഗതാഗത ഉപയോഗത്തിന് പണം നൽകുന്നതിന് പുറമെ മറ്റ് ആവശ്യങ്ങൾക്കും ഉപയോഗിക്കാവുന്നതാണ്.

ഒരു വ്യക്തിഗത നോൾ കാർഡുമായി ബന്ധപ്പെട്ട ആനുകൂല്യങ്ങൾ പ്രയോജനപ്പെടുത്താൻ നിങ്ങൾ ആഗ്രഹിക്കുന്നുവെങ്കിൽ, കാർഡിനായി അപേക്ഷിക്കേണ്ട വിധവും ആവശ്യമായ രേഖകളും ചെലവും എത്രയാണെന്ന് നോക്കാം.

വ്യക്തിഗത നോൽ കാർഡിന് ആവശ്യമായ രേഖകൾ നിങ്ങൾ ഏത് വിഭാഗത്തിൽ പെടുന്നു എന്നതിനെ ആശ്രയിച്ചാണ് ഉള്ളത്. നിങ്ങൾ സമർപ്പിക്കേണ്ട രേഖകൾ ഇതാ:

മുതിർന്നവർ

• സാധുവായ എമിറേറ്റ്സ് ഐഡിയുടെ പകർപ്പ് (മുന്നിലും പിന്നിലും)
• വെളുത്ത പശ്ചാത്തലമുള്ള വ്യക്തിഗത ഫോട്ടോ.

റെസിഡന്റ്‌സ്

• സാധുവായ എമിറേറ്റ്സ് ഐഡിയുടെ പകർപ്പ് (മുന്നിലും പിന്നിലും)
• വെളുത്ത പശ്ചാത്തലമുള്ള വ്യക്തിഗത ഫോട്ടോ
• യുഎഇയിലെ കമ്മ്യൂണിറ്റി ഡെവലപ്‌മെന്റ് മന്ത്രാലയം നൽകുന്ന പീപ്പിൾ ഓഫ് ഡിറ്റർമിനേഷൻ കാർഡിന്റെ പകർപ്പ് അല്ലെങ്കിൽ അവർക്കായി ദുബായിലെ കമ്മ്യൂണിറ്റി ഡെവലപ്‌മെന്റ് അതോറിറ്റി നൽകിയ സനദ് കാർഡ്.

ടൂറിസ്റ്റ്

• പാസ്‌പോർട്ടിന്റെ അല്ലെങ്കിൽ ഐഡി കാർഡിന്റെ പകർപ്പ്
• വെളുത്ത പശ്ചാത്തലമുള്ള വ്യക്തിഗത ഫോട്ടോ
• പെർമിറ്റ് ആവശ്യപ്പെടുന്ന വ്യക്തി പീപ്പിൾ ഓഫ് ഡിറ്റർമിനേഷൻ, പ്രത്യേക സഹായം ആവശ്യമാണെന്നോ പ്രസ്താവിക്കുന്ന അപേക്ഷകന്റെ രാജ്യത്തെ യോഗ്യതയുള്ള അധികാരികൾ നൽകുന്ന ഔദ്യോഗിക രേഖ.

ആർ‌ടി‌എ വെബ്‌സൈറ്റ് അനുസരിച്ച് – rta.ae, വിനോദസഞ്ചാരികൾക്ക്, സമർപ്പിച്ച എല്ലാ രേഖകളും അറബിയിലോ ഇംഗ്ലീഷിലോ ആയിരിക്കണം, അല്ലാത്തപക്ഷം അപേക്ഷ പ്രോസസ്സ് ചെയ്യുന്നതിന് നിയമാനുസൃതമായ ട്രാൻസ്‌ലേഷൻ കോപ്പി സമർപ്പിക്കണം.

വിദ്യാർത്ഥികൾ – അഞ്ച് വയസ്സ് മുതൽ 23 വയസ്സ് വരെ

• സാധുവായ എമിറേറ്റ്സ് ഐഡിയുടെ പകർപ്പ് (മുന്നിലും പിന്നിലും)
• വെളുത്ത പശ്ചാത്തലമുള്ള വ്യക്തിഗത ഫോട്ടോ
• അപേക്ഷകൻ യുഎഇയിലെ ഒരു സ്കൂളിലോ യൂണിവേഴ്സിറ്റിയിലോ ഉള്ള വിദ്യാർത്ഥിയാണെന്ന് തെളിയിക്കുന്ന ഒരു ഔദ്യോഗിക രേഖ.

യുഎഇയിലെ മുതിർന്ന പൗരന്മാരും താമസക്കാരും (60 വയസും അതിൽ കൂടുതലും)

• സാധുവായ എമിറേറ്റ്സ് ഐഡിയുടെ പകർപ്പ് (മുന്നിലും പിന്നിലും)
• വെള്ള പശ്ചാത്തലമുള്ള സമീപകാല വ്യക്തിഗത ഫോട്ടോ.

വ്യക്തിഗത അല്ലെങ്കിൽ നീല നോൾ കാർഡിന് ഓൺലൈനായി എങ്ങനെ അപേക്ഷിക്കാം

ദുബായ് റോഡ് ആൻഡ് ട്രാൻസ്‌പോർട്ട് അതോറിറ്റി (ആർ‌ടി‌എ) ആണ് നോൾ കാർഡുകൾ നൽകുന്നത്. ദുബായ് മെട്രോ സ്റ്റേഷനുകളിൽ സ്ഥിതി ചെയ്യുന്ന ടിക്കറ്റിംഗ് ഓഫീസിൽ നിന്ന് വ്യക്തിഗത നോൽ കാർഡ് അപേക്ഷാ ഫോം പൂരിപ്പിച്ച് കാർഡ് എടുക്കാം. അല്ലെങ്കിൽ ഓൺലൈൻ ആയി ഔദ്യോഗിക ആർ‌ടി‌എ വെബ്‌സൈറ്റായ rta.ae-ൽ ഓൺലൈനായി അപേക്ഷിക്കാം.

ഓൺലൈൻ ആയി ആപേക്ഷ സമർപ്പിക്കാൻ ചെയ്യേണ്ടത്:

ഘട്ടം 1: സേവനം തിരഞ്ഞെടുക്കുക

• RTA വെബ്‌സൈറ്റായ – rta.ae-ലേക്ക് പോയി വെബ്‌സൈറ്റുകളുടെ ഹോംപേജിലെ ‘Services’ ക്ലിക്ക് ചെയ്യുക.
• ‘View public transport services’ എന്നതിൽ ക്ലിക്ക് ചെയ്യുക
• സെർച്ച് ബാറിൽ ‘Apply for personal nol card’ എന്ന് ടൈപ്പ് ചെയ്ത് സർവീസിൽ ക്ലിക്ക് ചെയ്യുക.
• തുടർന്ന് നിങ്ങളെ സേവന പേജിലേക്ക് കൊണ്ടുപോകും.’Apply Now’ എന്നതിൽ ക്ലിക്ക് ചെയ്യുക.

ഘട്ടം 2: നിങ്ങളുടെ നോൾ കാർഡ് തിരഞ്ഞെടുക്കുക

• നിങ്ങളുടെ യാത്രാ ക്ലാസ് തിരഞ്ഞെടുക്കുക – ‘റെഗുലർ’ അല്ലെങ്കിൽ ‘ഗോൾഡ്’.
• ഡ്രോപ്പ് ഡൗൺ മെനുവിൽ നിന്ന് കാർഡിന്റെ വിഭാഗങ്ങളിലൊന്ന് തിരഞ്ഞെടുക്കുക:
  a റെഗുലർ
  b വിദ്യാർത്ഥി
  c താമസക്കാർ
  d മുതിർന്ന പൗരൻ
• അടുത്തതായി, നിങ്ങളുടെ കാർഡ് ഡിസൈൻ തിരഞ്ഞെടുക്കുക – നിങ്ങൾക്ക് ഒരു പ്രത്യേക ഡിസൈൻ ഉള്ള നോൾ കാർഡ് വേണമെങ്കിൽ, നിങ്ങൾ 30 ദിർഹം അധികമായി നൽകണം. ‘Select’ ക്ലിക്ക് ചെയ്യുക. ‘Next’ ക്ലിക്ക് ചെയ്യുക.

ഘട്ടം 3: നിങ്ങളുടെ സ്വകാര്യ വിശദാംശങ്ങൾ നൽകുക
ആർ‌ടി‌എ വെബ്‌സൈറ്റ് അനുസരിച്ച്, നിങ്ങളുടെ എമിറേറ്റ്‌സ് ഐഡി പ്രകാരം നിങ്ങളുടെ വ്യക്തിഗത വിശദാംശങ്ങൾ നൽകണം.

• പൂർണ്ണമായ പേര്
• മൊബൈൽ നമ്പർ
• ഇമെയിൽ വിലാസം

ഡെലിവറി വിശദാംശങ്ങൾ:

• നിങ്ങൾ താമസിക്കുന്ന എമിറേറ്റ് തിരഞ്ഞെടുക്കുക.
• പ്രദേശം.
• തെരുവിന്റെ പേര് അല്ലെങ്കിൽ നമ്പർ.
• വീട് അല്ലെങ്കിൽ അപ്പാർട്ട്മെന്റ് നമ്പർ.

‘Next’ ക്ലിക്ക് ചെയ്യുക.

ഘട്ടം 4: ആവശ്യമായ ഡോക്യുമെന്റുകൾ അപ്‌ലോഡ് ചെയ്യുക
നിങ്ങൾ ഏത് വിഭാഗത്തിൽ പെടുന്നു എന്നത് പരിഗണിക്കാതെ തന്നെ, ഫോട്ടോ, സാധുവായ എമിറേറ്റ്സ് ഐഡി എന്നിവ എല്ലാവരും സമർപ്പിക്കണം. രണ്ട് ഡോക്യുമെന്റുകളും JPG ഫോർമാറ്റിലും 2MB-യിൽ താഴെ വലിപ്പത്തിലും ആയിരിക്കണം.

ഇത് രണ്ടും അപ്‌ലോഡ് ചെയ്‌തുകഴിഞ്ഞാൽ, ആവശ്യമെങ്കിൽ ഏതെങ്കിലും അനുബന്ധ രേഖകൾ അപ്‌ലോഡ് ചെയ്യുക. ഉദാഹരണത്തിന്: വിദ്യാർത്ഥി ഐഡി, എൻറോൾമെന്റ് ലെറ്റർ, സനദ് കാർഡ് തുടങ്ങിയവ.

ഘട്ടം 5: സ്ഥിരീകരിച്ച് പണമടയ്ക്കുക
അപേക്ഷാ ഫോമിലെ വിശദാംശങ്ങൾ സ്ഥിരീകരിച്ച് നിങ്ങളുടെ ക്രെഡിറ്റ് അല്ലെങ്കിൽ ഡെബിറ്റ് കാർഡ് ഉപയോഗിച്ച് നോൾ കാർഡിനായി ഓൺലൈനായി പണമടയ്ക്കുക.

നിങ്ങൾ ഡോക്യുമെന്റ് സമർപ്പിച്ച ശേഷം, അപേക്ഷയിൽ ഫോളോ-അപ്പ് ചെയ്യാൻ നിങ്ങൾക്ക് ഒരു റഫറൻസ് നമ്പർ ലഭിക്കും. ആപ്ലിക്കേഷന്റെ പുരോഗതിയെക്കുറിച്ച് നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ നിങ്ങൾക്ക് SMS അപ്ഡേറ്റുകൾ ലഭിക്കും.

ഘട്ടം 6: കൊറിയർ വഴി നീല നോൾ കാർഡ് സ്വീകരിക്കുക
ആർ‌ടി‌എ വെബ്‌സൈറ്റ് അനുസരിച്ച്, അപേക്ഷ സമർപ്പിച്ച തീയതി മുതൽ നാല് പ്രവൃത്തി ദിവസത്തിനുള്ളിൽ നിങ്ങൾക്ക് കാർഡ് ലഭിക്കും.

വ്യക്തിഗത നോൾ കാർഡ് ചെലവ്
നിങ്ങൾ ഏത് വിഭാഗത്തിൽ പെടുന്നു എന്നതിനെ ആശ്രയിച്ച് ആയിരിക്കും.

• സാധാരണ നീല നോൾ കാർഡിന്: 70 ദിർഹം (20 ദിർഹം ബാലൻസും 50 ദിർഹം അപേക്ഷാ ഫീസും ഉൾപ്പെടുന്നു).
• വ്യക്തിഗത ഗോൾഡ് നോൾ കാർഡിന്: 80 ദിർഹം (20 ദിർഹം, അപേക്ഷാ ഫീസ് 50 ദിർഹം, ഗോൾഡ് കാർഡ് ഡിസൈനിന് 10 ദിർഹം എന്നിവ ഉൾപ്പെടുന്നു).

പ്രത്യേക രൂപകൽപ്പനയുള്ള നോൾ കാർഡിന്റെ വില
സാധാരണ വ്യക്തിഗത നോൽ കാർഡ്:

• അപേക്ഷാ ഫീസ്: 50 ദിർഹം
• പ്രത്യേക ഡിസൈൻ ഫീസ്: 30 ദിർഹം
• കാർഡ് ബാലൻസ്: ദിർഹം 20
  ആകെ – 100 ദിർഹം

വ്യക്തിഗത സ്വർണ്ണ കാർഡ്

• അപേക്ഷാ ഫീസ്: 50 ദിർഹം
• പ്രത്യേക ഡിസൈൻ ഫീസ്: 30 ദിർഹം
• കാർഡ് ബാലൻസ്: ദിർഹം 20
• ഗോൾഡ് ടെംപ്ലേറ്റ് ഡിസൈൻ: ദിർഹം10
  ആകെ – 110 ദിർഹം

വ്യക്തിഗത നോൾ കാർഡ് സാധുത

അഞ്ച് വർഷമാണ് കാർഡിന്റെ കാലാവധി. സ്റ്റുഡന്റ് നോൾ കാർഡ് കൺസഷൻ കാലയളവ് ഒരു വർഷത്തേക്ക് സാധുതയുള്ളതാണ് കൂടാതെ 50 ശതമാനം കിഴിവിൽ നിന്ന് പ്രയോജനം നേടുന്നതിന് കാലഹരണപ്പെട്ടാൽ അത് പുതുക്കുകയും വേണം. പുതുക്കിയില്ലെങ്കിൽ കാർഡ് സാധാരണ നിരക്ക് ഈടാക്കും