2022 July 05 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

വിദ്വേഷ മുദ്രാവാക്യം: കുട്ടിയെ തിരിച്ചറിഞ്ഞു; തോപ്പുംപടിയില്‍ കുട്ടിയെതേടി പൊലിസ്

ആലപ്പുഴ: വിദ്വേഷ മുദ്രാവാക്യം വിളിച്ച കേസിലെ കുട്ടിയെ പൊലിസ് തിരിച്ചറിഞ്ഞു. എറണാകുളം തോപ്പുംപടി സ്വദേശിയാണ് കുട്ടിയെന്നാണ് പൊലിസ് പറയുന്നത്. കുട്ടിയെതേടി ആലപ്പുഴ പൊലിസ് തോപ്പുംപടിയിലെത്തി. അതേ സമയം കുട്ടിയുടെ വീഡിയോ വൈറലായതോടെ കുടുംബം ഇവിടെ നിന്നു സ്ഥലം വിട്ടതായാണ് വിവരം.
സംഭവത്തില്‍ നേരത്തെ രണ്ടുപേരെ പൊലിസ് അറസ്റ്റ് ചെയ്തിരുന്നു. പോപ്പുലര്‍ ഫ്രണ്ട് ആലപ്പുഴ ജില്ലാ പ്രസിഡന്റ് നവാസ്, കുട്ടിയെ തോളിലേറ്റിയ ഈരാറ്റുപേട്ട സ്വദേശി അന്‍സാര്‍ എന്നിവരെയാണ് അറസ്റ്റ് ചെയ്തത്. ഇവരെ കസ്റ്റഡിയിലെടുക്കാന്‍ രാവിലെ ഈരാറ്റുപേട്ടയിലെത്തിയ ആലപ്പുഴ സൗത്ത് പൊലിസിനെതിരേ പോപ്പുലര്‍ ഫ്രണ്ട് പ്രവര്‍ത്തകരുടെ പ്രതിഷേധമുണ്ടായിരുന്നു. ഡിജിറ്റല്‍ തെളിവുകളടക്കം പരിശോധിച്ചാണ് പൊലിസ് നീക്കം. അഭിഭാഷക പരിഷത്ത് നല്‍കിയ പരാതിയിലായിരുന്നു പൊലിസ് നടപടി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.