2021 March 04 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

തസ്‌രീഹ് ഇല്ലാതെ ഹജ്ജ്; നിയമക്കുരുക്കിൽപെട്ട മലയാളി ആറ് വർഷത്തിന് ശേഷം നാടണഞ്ഞു

പക്ഷാഘാതം പിടിപെട്ട് ദുരിതക്കിടക്കയിലാണ് നാട്ടിലേക്ക് പോയത് 

അബ്‌ദുസ്സലാം കൂടരഞ്ഞി

     റിയാ​ദ്: അ​നു​മ​തി രേ​ഖ​യി​ല്ലാ​തെ ഹ​ജ്ജി​ന്​ പോ​യി പിടി​യി​ലാ​യ മ​ല​യാ​ളി നാടണഞ്ഞത് ആറ് വർഷത്തെ നിയമ പോരാട്ടത്തിനൊടുവിൽ. ഇതിനിടെ, പക്ഷാഘാതം പിടിപെട്ട് ദുരിതക്കിടക്കയിലായെങ്കിലും നിയമ പ്രശ്നം തടസമായതിനെ തുടർന്ന് നാട്ടിലേക്ക് പോകാനുള്ള വഴി അടയുകയായിരുന്നു. ഒടുവി​ൽ സാ​മൂ​ഹി​ക പ്ര​വ​ർ​ത്ത​ക​രു​ടെ ഇ​ട​പെ​ട​ലി​ൽ നി​യ​മ​ത​ട​സ്സ​ങ്ങ​ളി​ൽ ​നി​ന്ന്​ ഒ​ഴി​വാ​യി നാ​ട​ണ​ഞ്ഞു.

    ആ​ലു​വ സ്വ​ദേ​ശി അ​ബ്​​ദു​ൽ അ​സീ​സാ​ണ്​ അനധികൃത ഹ​ജ്ജി​ന്​ പി​ടി​യി​ലാ​യി ഗു​രു​ത​ര​മാ​യ നി​യ​മ​പ്ര​ശ്​​നം നേ​രി​ട്ട്​ ആ​റു​വ​ർ​ഷം നാ​ട്ടി​ൽ പോ​കാ​നാ​വാ​തെ സഊദി​യി​ൽ കു​ടു​ങ്ങി​പ്പോ​യ​ത്. 15 വ​ർ​ഷ​മാ​യി സഊ​ദി​യി​ൽ പ്ര​വാ​സി​യാ​യി​രു​ന്ന ഇ​ദ്ദേ​ഹം ബ​ത്​​ഹ​യി​ലെ ഒ​രു ബൂ​ഫി​യ​യി​ൽ ജീ​വ​ന​ക്കാ​ര​നാ​യി​രു​ന്നു. സഊദിയിൽ നിന്നും ഹജ്ജിന് പോകാനായുള്ള അനുമതി പത്രം (തസ്‌രീഹ്) ഇല്ലാതെയാണ് ഹജ്ജിന് പുറപ്പെട്ടത്. എന്നാൽ ഇടക്ക് വെച്ച് പരിശോധനയിൽ പിടിക്കപ്പെടുകയും വലിയൊരു തുക പിഴ ചുമത്തിയതോടൊപ്പം യാത്രാ വിലക്കും ഏർപ്പെടുത്തി.

    ഇതോടെ, ഇഖാമ പുതുക്കാൻ കഴിയാതെ വരികയും ജോലി നഷ്ടപ്പെടുകയും ചെയ്തു. നാട്ടിൽ പോകാനും കഴിയാതെ നിയമ പ്രശ്നങ്ങൾ നേരിടുന്നതിനിടെ ഏതാനും മാസങ്ങൾക്കു മുമ്പ് ​പക്ഷാ​ഘാ​തം പി​ടി​പെ​ടു​ക​യും ചെ​യ്​​തു. ഇദ്ദേഹത്തിന്റെ ദുരിത ജീവിതം കണ്ട റിയാദിലെ ഹെൽപ് ഡസ്ക് പ്രവർത്തകർ പ്ര​മു​ഖ സാ​മൂ​ഹി​ക പ്ര​വ​ർ​ത്ത​ക​ൻ ശി​ഹാ​ബ് കൊ​ട്ടു​കാ​ടി​ന്റെ സ​ഹാ​യം തേ​ടി. അ​ബ്​​ദു​ൽ അ​സീ​സി​ന്റെ രോ​ഗാ​വ​സ്ഥ​യും ഭാ​ര്യ​യും മൂ​ന്നു കു​ട്ടി​ക​ളും അ​ട​ങ്ങു​ന്ന കു​ടും​ബ​ത്തി​ന്റെ ശോ​ച​നീ​യ​മാ​യ സ്ഥി​തി​യും ശി​ഹാ​ബ്​ കൊ​ട്ടു​കാ​ട്​ ഇ​ന്ത്യ​ൻ എം​ബ​സി​യു​ടെ​യും സഊ​ദി പാ​സ്​​പോ​ർ​ട്ട്​ (ജ​വാ​സ​ത്ത്) വി​ഭാ​ഗ​ത്തി​ന്റെ​യും ശ്ര​ദ്ധ​യി​ൽ​പ്പെ​ടു​ത്തി. മാ​നു​ഷി​ക പ​രി​ഗ​ണ​ന ന​ൽ​കി യാ​ത്രാ​നു​മ​തി ന​ൽ​ക​ണ​മെ​ന്ന് ശി​ഹാ​ബ്​ അ​ധി​കൃ​ത​രോ​ട്​ അ​ഭ്യ​ർ​ഥി​ച്ചു.

   ആ​ഴ്ച​ക​ൾ നീ​ണ്ട പ​രി​ശ്ര​മ​ത്തി​നൊ​ടു​വി​ൽ നാ​ടു​ക​ട​ത്ത​ൽ (ത​ർ​ഹീ​ൽ) കേ​ന്ദ്ര​ത്തി​ൽ​നി​ന്ന്​ യാ​ത്രാ​നു​മ​തി നേ​ടി​യെ​ടു​ത്തു. വ​ർ​ഷ​ങ്ങ​ളാ​യി ഇ​ദ്ദേ​ഹ​ത്തി​ന് ​താ​മ​സ ​സൗകര്യം ഒ​രു​ക്കി സം​ര​ക്ഷ​ണം ന​ൽ​കി​യ​ത്​ ഏതാനും വ്യക്തികളായിരുന്നു. ശി​ഹാ​ബ് കൊ​ട്ടു​കാ​ടി​നൊ​പ്പം റി​യാ​ദ് ഹെ​ൽ​പ് ഡെ​സ്കി​ന്റെ പ്ര​വ​ർ​ത്ത​ക​രാ​യ ഷൈ​ജു നിലമ്പൂ​ർ, സ​ലാം പെ​രു​മ്പാ​വൂ​ർ, ഡൊ​മ​നി​ക് സാ​വി​യോ, റി​ജോ ഡൊ​മി​നി​ക്കോ​സ്‌, സോ​ണി​യ റെ​നി​ൽ, അ​ന​സ് ജരീ​ർ മെ​ഡി​ക്ക​ൽ എ​ന്നി​വ​രു​മാ​ണ്​ സ​ഹാ​യ​ത്തി​ന് രംഗത്തു​ണ്ടാ​യി​രു​ന്ന​ത്.

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.