കോട്ടയം: വായ്പ തിരിച്ചടവ് മുടങ്ങിയതിനെ തുടര്‍ന്ന് സ്വകാര്യ ബാങ്ക് നിയോഗിച്ച സംഘം യുവാവിന്റെ കൈവിരല്‍ വെട്ടിമാറ്റിയതായി പരാതി. ആനത്താനം സ്വദേശി രഞ്ജിത്തിനെയാണ് അഞ്ചംഗ സംഘം വീടുകയറി ആക്രമിച്ചത്. മണര്‍ക്കാടുള്ള സ്വകാര്യ ബാങ്കിന്റെ ശാഖയില്‍ നിന്നും നിയോഗിച്ച സംഘമാണ് ആക്രമിച്ചതെന്ന് രഞ്ജിത്തിന്റെ ബന്ധുക്കള്‍ ആരോപിച്ചു. ഓട്ടോറിക്ഷ വാങ്ങാനായിരുന്നു രഞ്ജിത്ത് ബാങ്കില്‍ നിന്ന് വായ്പ എടുത്തത്. അക്രമത്തില്‍ ചൂണ്ടു വിരല്‍ അറ്റു പോയ രഞ്ജിത്തിനെ കോട്ടയം മെഡിക്കല്‍ കോളജില്‍ പ്രവേശിപ്പിച്ചു. സംഭവത്തില്‍ പൊലിസ് കേസെടുത്ത് അന്വേഷണം ആരംഭിച്ചു.