2022 July 01 Friday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

യുദ്ധ പശ്ചാത്തലം; സ്വര്‍ണവില കുതിക്കുന്നു, രണ്ട് തവണയായി ഇന്ന് 1000 രൂപയുടെ വര്‍ധനവ്

ഉക്രൈന്‍ റഷ്യ സംഘര്‍ഷം ആരംഭിച്ചതിന് പിന്നാലെ സ്വര്‍ണ വിലയില്‍ വന്‍ കുതിപ്പ്. ഇന്ന് മാത്രം രണ്ട് തവണയാണ് വില വര്‍ധിച്ചത്. ഇന്നലെ നേരിയ തോതില്‍ ഇടിഞ്ഞാണ് ഇന്ന് 1000 രൂപയുടെ വര്‍ധനവുണ്ടായത്. ഇന്ന് രാവിലെ പവന് 680 രൂപ വര്‍ധിച്ച് 37,480 രൂപയായി. ഉച്ചയോടെ വീണ്ടും 320 രൂപ വര്‍ധിച്ച് പവന് 37,800 രൂപയായി.രാജ്യാന്തര വിപണിയിലെ മാറ്റമാണ് സ്വര്‍ണവില വര്‍ധിക്കാന്‍ കാരണം.

ഈ വര്‍ഷത്തെ ഏറ്റവും ഉയര്‍ന്ന നിരക്കാണ് ഇന്ന് രേഖപ്പെടുത്തിയത്. 2020 ഓഗസ്റ്റ് മാസത്തിലാണ് സ്വര്‍ണം സര്‍വകാല റെക്കോര്‍ഡിലെത്തിയത്. കൊവിഡ് സാഹചര്യത്തില്‍ ഓഹരി വിപണി കൂപ്പുകുത്തിയതോടെ സ്വര്‍ണവില വര്‍ധിക്കുകയായിരുന്നു.

ഈ വര്‍ഷം ജനുവരി ആദ്യം മുതല്‍ കൂടിയും കുറഞ്ഞുമിരിക്കുകയാണ് സ്വര്‍ണവില. ഈ മാസം തുടക്കത്തില്‍ മാറ്റമില്ലാതെ തുടങ്ങിയ സ്വര്‍ണവില പിന്നീട് കുതിച്ചുയരുകയായിരുന്നു. ആഗോള വിപണിയില്‍ അസംസ്‌കൃത എണ്ണവിലയും ഉയര്‍ന്നു. ബാരലിന് 100 ഡോളര്‍ കടന്നു.

ഏഴു വര്‍ഷത്തിനിടെ ആദ്യമായാണ് അസംസ്‌കൃത എണ്ണവില 100 ഡോളര്‍ പിന്നിടുന്നത്. കഴിഞ്ഞ നവംബറിനു ശേഷം 30 ശതമാനത്തിലേറെയാണ് എണ്ണവിലയിലുണ്ടായ വര്‍ധന. കൊവിഡിന്റെ ആഘാതത്തില്‍ നിന്ന് ആഗോള സമ്പദ് ഘടന തിരിച്ചുവരവ് തുടങ്ങിയതോടെ ഡിമാന്‍ഡ് കൂടിയതോടെ വില വര്‍ധിക്കുകയായിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.