2024 February 25 Sunday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

‘സ്‌കൂട്ടറിന്റെ’ രൂപം മാറുന്നു; അഡ്വഞ്ചര്‍ ഇലക്ട്രിക്ക് സ്‌കൂട്ടര്‍ അവതരിപ്പിച്ച് കമ്പനി; ഇന്ത്യയിലേക്കും

ഇരുചക്ര വാഹനങ്ങള്‍ക്ക് വലിയ ഡിമാന്‍ഡുള്ള മാര്‍ക്കറ്റാണ് ഇന്ത്യയിലേത്. മിഡില്‍ ക്ലാസ് കുടുംബങ്ങള്‍ക്ക് താങ്ങാവുന്ന വിലയില്‍ സ്വന്തമാക്കാന്‍ കഴിയുന്ന വാഹനം എന്നതാണ് ഇരുചക്ര വാഹനങ്ങള്‍ക്ക് ഇന്ത്യന്‍ മാര്‍ക്കറ്റിലുള്ള പ്രസക്തി.
രാജ്യത്ത് വര്‍ധിച്ച് വരുന്ന പെട്രോള്‍ വില വര്‍ധനവ് കാരണം ഇപ്പോള്‍ ഇലക്ട്രിക്ക് സ്‌കൂട്ടറുകള്‍ സ്വന്തമാക്കുന്നവരുടെ എണ്ണത്തില്‍ രാജ്യത്ത് വലിയ വര്‍ധനവ് സംഭവിച്ചിട്ടുണ്ട്. കുറഞ്ഞ നിരക്കില്‍ കൂടുതല്‍ ദൂരം സഞ്ചരിക്കാം എന്നതാണ് ഇ.വി സ്‌കൂട്ടറുകളുലേക്ക് ഉപഭോക്താക്കളെ ആകര്‍ഷിക്കുന്ന പ്രധാന കാരണം.

വാഹന നിര്‍മ്മാണ രംഗത്തെ അതികായന്‍മാരും സ്റ്റാര്‍ട്ടപ്പ് കമ്പനികളും അരങ്ങുവാഴുന്ന ഇ.വി ഇന്ത്യന്‍ മാര്‍ക്കറ്റിലേക്ക് തായ്‌വാനീസ് ഇ.വി നിര്‍മ്മാതാക്കളായ ഗൊഗോറോയും രംഗപ്രവേശനം ചെയ്യുകയാണ്. ക്രോസ് ഓവര്‍ സ്‌റ്റെലില്‍ ഒരു അഡ്വഞ്ചറസ് ലുക്കുള്ള സ്‌കൂട്ടറായിരിക്കും ഗൊഗോറോ ഇന്ത്യന്‍ മാര്‍ക്കറ്റിലേക്ക് അവതരിപ്പിക്കുക. പരമ്പരാഗത സ്‌കൂട്ടര്‍ സങ്കല്‍പ്പങ്ങളില്‍ നിന്നും വ്യത്യസ്ഥമായൊരു മോഡല്‍ ആയിരിക്കും ഇത് എന്നാണ് പുറത്ത് വരുന്ന റിപ്പോര്‍ട്ടുകള്‍. ഈ വര്‍ഷം ഒക്ടോബറില്‍ കമ്പനി ഗൊഗോറോയെ ആഗോള മാര്‍ക്കറ്റിലേക്ക് അവതരിപ്പിച്ചിരുന്നു. ഓണ്‍റോഡ്, ഓഫ്‌റോഡ് ഡ്രൈവിന് ഒരുപോലെ ഉപയോഗിക്കാന്‍ സാധിക്കുന്നു എന്നതാണ് ഈ സ്‌കൂട്ടറിന്റെ പ്രധാന സവിശേഷത.

ഓഫ്‌റോഡിംഗിനായി മോഡലിന് 12 ഇഞ്ച് വീലുകള്‍, മാക്‌സിസ് ഡ്യുവല്‍ പര്‍പ്പസ് ടയറുകള്‍ എന്നിവയും ലഭിക്കുന്നു. ഫോര്‍ക്ക് ഗെയ്റ്ററുകളും ടെലിസ്‌കോപ്പിക് ഫ്രണ്ട് ഫോര്‍ക്കുകളുമാണ് മറ്റൊരു പ്രധാന സവിശേഷത. കൂടാതെ ഡാഷ്‌ബോര്‍ഡില്‍ എല്ലാത്തരം കണക്റ്റിവിറ്റികളും സപ്പോര്‍ട്ട് ചെയ്യുന്ന കളര്‍ ഡിസ്‌പ്ലേയും വാഹനത്തിന്റെ സവിശേഷതയാണ്.നൂറ് കിലോമീറ്റര്‍ ദൂരം വരെ ഒറ്റച്ചാര്‍ജില്‍ വാഹനത്തിന് സഞ്ചരിക്കാന്‍ സാധിക്കുമെന്നാണ് കമ്പനി അവകാശപ്പെടുന്നത്. 1.6 kWh സംയോജിത ശേഷിയുള്ള രണ്ട് സ്വാപ്പബിള്‍ ബാറ്ററി പാക്കുകളാണ് ഗൊഗോറോ ഇലക്ട്രിക് സ്‌കൂട്ടറില്‍ ഉപയോഗിച്ചിരിക്കുന്നത്. ആദ്യം വിദേശത്ത് നിര്‍മ്മിച്ച് ഇറക്കുമതി ചെയ്യുന്ന ഗൊഗോറോ സ്‌കൂട്ടര്‍ പിന്നീട് കമ്പനി മഹാരാഷ്ട്രയില്‍ നിര്‍മ്മിക്കുന്ന പ്ലാന്റിലായിരിക്കും നിര്‍മ്മിക്കുക.

   

Content Highlights:gogoro crossover rugged electric scooter details


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.