2024 March 01 Friday
രാജീവ് ഗാന്ധി വധക്കേസില്‍ ജയില്‍മോചിതനായ ശാന്തന്‍ മരിച്ചു

ഗാസയില്‍ വെടിനിര്‍ത്തല്‍ നാളെ മുതല്‍; വിശദാംശങ്ങള്‍ പുറത്തുവിട്ട് ഖത്തര്‍

ഗസ്സ സിറ്റി: ഗസ്സയില്‍ താല്‍ക്കാലിക വെടിനിര്‍ത്തല്‍ നാളെ മുതല്‍ പ്രാബല്യത്തില്‍. വെള്ളിയാഴ്ച രാവിലെ പ്രാദേശിക സമയം ഏഴു മണി മുതലാണ് വെടിനിര്‍ത്തലെന്ന് ഖത്തര്‍ വിദേശകാര്യമന്ത്രാലയം അറിയിച്ചു. വൈകീട്ട് നാലുമണിക്ക് ബന്ദികളെ കൈമാറും.

വെടിനിര്‍ത്തല്‍ ഉടമ്പടിയുടെ ഭാഗമായ ബന്ദി മോചനം സംബന്ധിച്ച അനിശ്ചിതത്വമാണ് ഇന്ന് രാവിലെ നടക്കേണ്ടിയിരുന്ന വെടിനിര്‍ത്തല്‍ നിലവില്‍വരുന്നതിന് തടസ്സമായത്. മോചിപ്പിക്കേണ്ട പട്ടികയില്‍ ഉള്‍പ്പെടുത്തേണ്ട പേരുകളെച്ചൊല്ലിയുള്ള തര്‍ക്കമാണ് അനിശ്ചിതത്വത്തിനിടയാക്കിയതെന്നാണ് റിപ്പോര്‍ട്ട്. ഇതോടെ വെടിനിര്‍ത്തലും ബന്ദികൈമാറ്റവും ഇന്ന് ഉണ്ടായില്ല.

നേരത്തെ നിശ്ചയിച്ചത് പ്രകാരം, ആഴ്ചകളായി ഫലസ്തീനില്‍ തുടരുന്ന ബോംബ് വര്‍ഷത്തിന് അറുതിവരുത്തി ഇന്നലെ രാവിലെ മുതല്‍ ഗസ്സയില്‍ വെടിനിര്‍ത്തല്‍ നിലവില്‍വരേണ്ടതായിരുന്നു. വെടിനിര്‍ത്തല്‍ പ്രാബല്യത്തില്‍ വരാതിരുന്നതോടെ ഇന്നലെയും ഗസ്സയിലെങ്ങും ഇസ്‌റാഈല്‍ കനത്ത ബോംബ് വര്‍ഷമാണ് നടത്തിയത്.

വെടിനിര്‍ത്തല്‍ നടപ്പാക്കുന്നതില്‍ അനിശ്ചിതത്വം നിലനിന്നതോടെ ഇന്ന് വിവിധതലങ്ങളില്‍ ചര്‍ച്ചകളും നടന്നു. ബ്രിട്ടീഷ് വിദേശകാര്യ സെക്രട്ടറി ഡേവിഡ് കാമറൂണ്‍ ഇസ്‌റാഈലിലും വെസ്റ്റ് ബാങ്കിലും സന്ദര്‍ശിച്ച് അധികൃതരുമായി കൂടിക്കാഴ്ച നടത്തി. സ്‌പെയിന്‍, ബെല്‍ജിയം പ്രധാനമന്ത്രിമാരും ഇസ്‌റാഈല്‍, ഫലസ്തീന്‍ അധികൃതരുമായി സംസാരിച്ചു. യു.എസ് വിദേശകാര്യ സെക്രട്ടറി ആന്റണി ബ്ലിങ്കന്‍ സഊദി, ഖത്തര്‍ പ്രഥിനിധികളുമായി വെടിനിര്‍ത്തല്‍ വിഷയം ചര്‍ച്ചചെയ്തു.

ഗാസയില്‍ വെടിനിര്‍ത്തല്‍ നാളെ മുതല്‍; വിശദാംശങ്ങള്‍ പുറത്തുവിട്ട് ഖത്തര്‍


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.