2022 July 06 Wednesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

ഹറം പള്ളി സന്ദര്‍ശകര്‍ക്ക് സൗജന്യമായി ഖുര്‍ആനും മുസല്ലയും

മക്ക: റമദാനില്‍ വിശുദ്ധ മക്കയിലെ ഹറം പള്ളിയിലെത്തുന്ന വിശ്വാസികളെ ഖുര്‍ആന്‍ കോപ്പിയും നിസ്‌കാരിക്കാനുള്ള മുസല്ലയും നല്‍കി സഊദി ഖുര്‍ആന്‍ വിഭാഗത്തിന്റെ സ്വീകരണം. വിശുദ്ധ മാസത്തിന്റെ അവസാന പത്തില്‍ ലോകത്തിന്റെ വിവിധ ഭാഗങ്ങളില്‍ നിന്നും ആയിരക്കണക്കിന് വിശ്വാസികളാണ് ഇഅ്തികാഫിനായി ഹറം പള്ളിയിലേക്ക് എത്തുന്നത്. കഴിഞ്ഞ രണ്ടു വര്‍ഷം കടുത്ത നിയന്ത്രണങ്ങളുണ്ടായതിനാല്‍ ഈ വര്‍ഷം ധാരാളം പേരാണ് ഇഅ്തികാഫിനായി എത്തുന്നത്. ഇവര്‍ക്കാണ് പള്ളിയുടെ പുറംഭാഗത്ത് വെച്ച് ഖുര്‍ആനും മുസല്ലയും വിതരണം ചെയ്യുന്നത്.

ഇഹ്ദാആത്ത് (സമ്മാനം) എന്ന പരിപാടിയുടെ ഭാഗമായാണ് ഇവ രണ്ടും സൗജന്യമായി വിതരണം ചെയ്യുന്നത്. ഹറം പള്ളിയുടേയും പ്രവാചക പള്ളിയുടേയും ഭരണ വിഭാഗം നല്‍കുന്ന നിസ്‌കാരിക്കാനുള്ള മുസല്ലയും ലോകത്തിന്റെ വിവിധ ഭാഗങ്ങളിലേക്ക് വിതരണം ചെയ്യാന്‍ ഖുര്‍ആന്‍ അച്ചടിക്കുന്ന കിംങ് ഫഹദ് കോംപ്ലകിസില്‍ നിന്നും പ്രിന്റ് ചെയ്യുന്ന ഏറ്റവും പുതിയ ഖുര്‍ആന്‍ പതിപ്പുമാണ് വിശ്വാസികള്‍ക്ക് ഉപഹാരമായി നല്‍കുന്നതെന്ന് ഖുര്‍ആന്‍ വിഭാഗത്തിന്റെ ഡയരക്ടര്‍ ഹംസത്തു സാലിമി വ്യക്തിമാക്കി. ഹറം കാര്യ മേധാവി ഡോ.അബ്ദുറഹ്മാന്‍ ബിന് അബ്ദുല്‍ അസീസ് സുദൈസിയുടെ നിര്‍ദേശവും ജനറല്‍ ഗൈഡന്‍സ് വിഭാഗം അണ്ടര്‍ സെക്രട്ടറി ബദര്‍ ബ്ന്‍ അബുല്ലാഹില്‍ ഫരീഹിന്റെ നിരന്തരമായ ഫോളോഅപ്പും വഴി മികച്ച സേവനങ്ങളാണ് ഹറം പള്ളിയിലെത്തുന്നവര്‍ക്ക് നല്‍കുന്നത്. കൊവിഡ് നിയന്ത്രണങ്ങള്‍ക്ക് ശേഷം പള്ളിയില്‍ സന്ദര്‍ശകര്‍ക്ക് അനുമതി നല്‍കിയതിനെ തുടര്‍ന്ന വിവിധ രാജ്യങ്ങളില്‍ നിന്നുള്‍പടെ നിരവധി പേരാണ് എത്തുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News