2024 March 01 Friday
രാജീവ് ഗാന്ധി വധക്കേസില്‍ ജയില്‍മോചിതനായ ശാന്തന്‍ മരിച്ചു

ഉംറ തീർത്ഥാടനം; ജക്കാർത്തയിൽ നിന്നുള്ള ആദ്യ വിമാനം വൈകുന്നേരം ജിദ്ദയിൽ എത്തും; തീർത്ഥാടക യാത്രക്ക് സഊദിയക്ക് മാത്രം അനുമതി

തീർത്ഥാടകർക്ക് 10 ദിവസം മാത്രം താമസ കാലാവധി

അബ്ദുസ്സലാം കൂടരഞ്ഞി

     മക്ക: കൊവിഡ് വ്യാപനത്തിന്റെ പശ്ചാത്തലത്തിൽ നിർത്തിവെച്ച ഉംറ തീർഥാടനം പൂർണ്ണമായ നിലയിൽ പുനഃരാരംഭിക്കുന്നതിന്റെ ഭാഗമായുള്ള മൂന്നാം ഘട്ടത്തിൽ ആരംഭിക്കുന്ന വിദേശ രാജ്യങ്ങളിൽ നിന്നുള്ള ഉംറ തീർത്ഥാടനത്തിനായുള്ള വിദേശ തീർഥാർത്ഥാടകർ ഇന്ന് മുതൽ സഊദിയിൽ എത്തിത്തുടങ്ങും. ഇന്തോനേഷ്യയിൽ നിന്നുള്ള വിമാനമാണ് ആദ്യമായി ജിദ്ദയിൽ ഇറങ്ങുക. വിദേശ ഉംറ തീർത്ഥാടകരിൽ ഇന്ത്യയിൽ നിന്നുള്ളവരുടെ കാര്യത്തിൽ അവ്യക്തത തുടരുകയാണ്. മുപ്പത് ദിവസം വരെ സഊദിയിൽ കഴിയുന്നതിനുള്ള വിസയാണ് അനുവദിച്ചിരിക്കുന്നത്. എന്നാൽ, സഊദിയിൽ 10 ദിവസം മാത്രം മാത്രമാണ് താമസ കാലാവധി. വിദേശികൾക്ക് ഇലക്ട്രോണിക് വിസകളാണ് നൽകുന്നതെന്നും അവരുടെ രാജ്യത്തെ സഊദി എംബസിയുമായോ കോൺസുലേറ്റുമായോ വിസ നടപടികൾക്കായി ബന്ധപ്പെടേണ്ടതില്ലെന്നും ഹജ്ജ് ഉംറ ഡെപ്യൂട്ടി മന്ത്രി ഡോ:അബ്ദുൽ ഫതാഹ് മശാത് അറിയിച്ചു.

     സഊദി ദേശീയ വിമാന കമ്പനിയായ സഊദിയയാണ് ഉംറ സർവ്വീസ് നടത്തുന്നത്. വിദേശ രാജ്യങ്ങളിൽ നിന്നുള്ള വിമാന കമ്പനികൾക്ക് വിദേശ രാജ്യങ്ങളുടെ ദേശീയ വിമാന കമ്പനികൾക്കോ ഇപ്പോൾ ഇതിനുള്ള അനുമതി നൽകിയിട്ടില്ല. കിംഗ് അബ്ദുൽ അസീസ് വിമാനത്താവളത്തിലെത്തിച്ചേരുന്ന തീർഥാടകരെ സ്വീകരിക്കുന്നതിനായി ടെർമിനൽ ഒന്നിൽ ഇരുപത്തിനാല് മണിക്കൂറും പ്രവർത്തിക്കുന്ന ഹജ്ജ് ഉംറ മന്ത്രലയത്തിന്റെ പ്രത്യേക ഓഫീസുകളും  തയ്യാറാക്കിയിട്ടുണ്ട്. ഇന്തോനേഷ്യയിലെ ജക്കാർത്തയിൽ നിന്ന്ള്ള ആദ്യ ഉംറ സംഘത്തെ ഇന്തോനേഷ്യയിലെ സഊദി അംബാസിഡർ ഉസാം ആബിദ് അൽ സഖഫിയുടെ നേതൃത്വത്തിൽ യാത്രയയപ്പ് നൽകി .

     വിദേശ തീർഥാടകരുടെ വരവോടെ ഉംറ തീർത്ഥാടനം മൂന്നാം ഘട്ടത്തിന് തുടക്കമാവും. രണ്ട് ഘട്ടങ്ങളിലായി പുനരാരംഭിച്ച ഉംറയിൽ ആഭ്യന്തര തീർഥാടകർക്ക് മാത്രമായിരുന്നു പ്രവേശനം അനുവദിച്ചിരുന്നത്. മൂന്നാം ഘട്ടത്തിൽ പ്രതിദിനം ഇരുപതിനായിരം തീർത്ഥാടകർക്കാണ് അനുമതി നൽകുന്നത്. ഇവരിൽ പതിനായിരം തീർത്ഥാടകർ വിദേശ രാജ്യങ്ങളിൽ നിന്നുള്ളവരായിരിക്കും. ഇന്ന് മുതൽ ദിവസേന ഇരുപതിനായിരം തീർത്ഥാടകർക്ക് ഉംറ നിർവഹിക്കാനും അറുപതിനായിരം പേർക്ക് വിശുദ്ധ ഹറമിൽ നിസ്‌കാരങ്ങളിൽ പങ്കെടുക്കാനും 19500 പേർക്ക് മസ്‌ജിദുന്നബവി സന്ദർശനത്തിനും റൗദ ശരീഫിൽ നിസ്‌കാരത്തിനും അനുമതി ലഭിക്കും. ഓരോ മൂന്ന് മണിക്കൂറിലും 3,300 പേരടങ്ങിയ സംഘമായാണ് മതാഫിലേക്ക് പ്രവേശനം. ഇവരിൽ 1,666 പേർ വിദേശത്തുനിന്നുള്ളവരായിരിക്കും.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.