2021 June 20 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സഊദിയിലേക്ക് കൊവിഡ് വാക്‌സിനേഷൻ ഡ്യൂട്ടി; തൊഴിൽ തട്ടിപ്പിൽ നിരവധി പേർ കുടുങ്ങി

റിയാദ്: സഊദിയിലേക്ക് ആരോഗ്യ മേഖലയിൽ റിക്രൂട്ട്മെന്റ് നടക്കുന്നുവെന്ന തരത്തിൽ തട്ടിപ്പുകൾ വ്യാപകമായി. ഇതിനകം തന്നെ നിരവധി പേരാണ് തട്ടിപ്പിൽ കുടുങ്ങിയിരിക്കുന്നതെന്നാണ് വിവരം. നിലവിലെ കൊവിഡ് സാഹചര്യം മുതലെടുത്ത് വ്യാജ റിക്രൂട്ട്മെന്റ് ഏജൻസികളാണ് തട്ടിപ്പുമായി രംഗത്തെത്തിയിട്ടുള്ളത്. സഊദിയിലേക്ക് കൊവിഡ് വാക്‌സിനേഷൻ ഡ്യൂട്ടിക്കായി റിക്രൂട്ട്മെന്റ് നടക്കുന്നുവെന്ന തരത്തിൽ നടന്ന തട്ടിപ്പിൽ നിരവധി പേർക്ക് പണം നഷ്ടമായതാണ് സൂചന. യുണൈറ്റഡ് നഴ്‌സസ് അസോസിയേഷനാണ് ഇത് സംബന്ധിച്ച തട്ടിപ്പുകൾ പുറത്ത് വിട്ടത്.

റിയാദ് എംബസി വഴി സഊദിയിലേക്ക് റിക്രൂട്ട്മെന്റ് നടക്കുന്നതായാണ് പ്രചാരണം. കൊവിഡ് വാക്സിനേഷൻ ഡ്യൂട്ടിക്ക് നഴ്സുമാരെ റിക്രൂട്ട് ചെയ്യുന്നുവെന്ന വാഗ്‌ദാനത്തോടെയാണ് തട്ടിപ്പുകൾ അരങ്ങേറുന്നത്. നോർക്കയുടെ പ്രതിനിധികൾ എന്ന വ്യാജേനയാണ് ഏജൻ്റുമാർ നഴ്സുമാരെ ചതിയിൽ പെടുത്തിയിട്ടുള്ളത്. നിരവധി പേർ ഇതിനകം തന്നെ ചതിയിൽ കുടുങ്ങിയതായും പണം നഷ്ടപ്പെട്ടതായും യു എൻ എ അറിയിച്ചു. റിക്രൂട്ട്മെന്റ് തട്ടിപ്പ് വ്യാപകമായതോടെ യുഎൻഎ സഊദി കോർഡിനേറ്റർമാർ റിയാദിലെ ഇന്ത്യൻ എംബസി ഉദ്യോഗസ്ഥരുമായി ബന്ധപ്പെട്ടപ്പോഴാണ് തട്ടിപ്പുകളുടെ ചുരുളഴിഞ്ഞത്.

റിക്രൂട്ട്മെന്റ് ചിലവുകൾക്കെന്നോണം ഭൂരിഭാഗവും ഗൂഗിൾ പേ വഴിയാണ് ഏജൻറ് മാർക്ക് പണം കൈ മാറിയിട്ടുള്ളത്. അതിനാൽ തന്നെ പരാതിപ്പെടാൻ പോലും കഴിയാത്ത സാഹചര്യമാണുള്ളത്. യുഎഇയിലും വാക്സിനേഷൻ ഡ്യൂട്ടിക്ക് എന്ന് പറഞ്ഞ് കൊണ്ട് പോയ നേഴ്സുമാരിൽ വലിയൊരു വിഭാഗവും പറ്റിക്കപ്പെട്ടിട്ടുണ്ടെന്നു ആൾ ഇന്ത്യ യുണൈറ്റഡ് നേഴ്‌സസ് അസോസിയേഷൻ പ്രസിഡന്റ് ജാസ്‌മിൻഷാ വെളിപ്പെടുത്തി. വ്യാജ ഏജൻസികളുടെ ഇടനിലക്കാരെ കണ്ടെത്തി തിരികെ പണം ലഭിക്കുന്നതിന് വേണ്ടിയുള്ള ശ്രമത്തിലാണ് യുഎൻഎ എന്നും അദ്ദേഹം പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.