2020 December 02 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പേടിഎം വഴി അക്കൗണ്ടില്‍ പണം കയറിയെന്ന് മെസേജ്: ലിങ്കില്‍ ക്ലിക്ക് ചെയ്താല്‍ കുടുങ്ങും

 

കോഴിക്കോട്: തട്ടിപ്പിന്റെ പുതിയ സന്ദേശവുമായി വ്യാജന്മാര്‍. പേടിഎം വഴി അക്കൗണ്ടിലേക്ക് പണം കയറിയെന്നും ലഭിക്കുന്നതിനായി ലിങ്കില്‍ ക്ലിക്ക് ചെയ്യാനും നിര്‍ദേശിച്ചാണ് വ്യാപകമായി മെസേജ് ലഭിക്കുന്നത്.

സാധാരണ വലിയ തുകയാണ് ഇത്തരത്തിലുള്ള മെസേജുകളില്‍ ഉണ്ടായിരുന്നതെങ്കിലും ഇപ്പോള്‍ 3,500, 5,500 തുടങ്ങി ചെറിയ തുകളാണ് വാഗ്ദാനം ചെയ്യുന്നത്. ചെറിയ തുകയായതു കൊണ്ടുതന്നെ അധികം പേരും പറ്റിക്കപ്പെടും.

+917849821438 എന്നീ നമ്പറില്‍ നിന്നാണ് പലര്‍ക്കും ഈ സന്ദേശമെത്തിയത്. പേടിഎം ഉപയോഗിക്കാത്തവര്‍ക്കും പോലും സന്ദേശം വരുന്നുണ്ട്. ഡൗണ്‍ലോഡ് ചെയ്ത് രജിസ്റ്റര്‍ ചെയ്താല്‍ പണം ലഭിക്കുമെന്ന് പറഞ്ഞാണ് ചുവടെ ലിങ്ക് നല്‍കുന്നത്. ലിങ്കില്‍ ക്ലിക്ക് ചെയ്ത് രജിസ്റ്റര്‍ ചെയ്യുന്നതോടെ അക്കൗണ്ട് വിവരങ്ങള്‍ അടക്കം കൈമാറിയിട്ടുണ്ടാവും. ഇതുപയോഗിച്ച് തട്ടിപ്പ് നടത്താനാണ് സാധ്യത.

ഓണ്‍ലൈന്‍ തട്ടിപ്പിന്റെ ഒരു രീതി മാത്രമാണിതെന്ന് കോഴിക്കോട് സിറ്റി പൊലിസ് മുന്നറിപ്പു നല്‍കുന്നു. നമുക്ക് നേരിട്ട് പരിചയം ഇല്ലാത്ത ഒരാള്‍പോലും പണമോ വിലപിടിപ്പുള്ള സമ്മാനമോ തരില്ല. സമ്മാനങ്ങള്‍ ആയി ഫോണിലേക്ക് വരുന്ന ഒരു ലിങ്കിലും ക്ലിക്ക് ചെയ്യാതിരിക്കുകയെന്നാണ് പൊലിസ് നല്‍കുന്ന മുന്നറിയിപ്പ്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.