2021 February 27 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഡോ: ഫഹ്ദ് അൽ മുബാറക് സഊദി സെൻട്രൽ ബാങ്ക് ഗവർണർ, ഭവന, മുനിസിപ്പൽ മന്ത്രാലയങ്ങളെ ലയിപ്പിച്ചു; സൽമാൻ രാജാവിന്റെ പുതിയ ഉത്തരവ്

അബ്‌ദുസ്സലാം കൂടരഞ്ഞി

    റിയാദ്: സഊദി സെൻട്രൽ ബാങ്ക് ഗവർണറായി ഡോ: ഫഹ്ദ് അൽ മുബാറകിനെ നിയമിച്ച് ഉത്തരവിറക്കി. ഭരണാധികാരി സൽമാൻ ബിൻ അബ്ദുൽ അസീസ് രാജാവ് ഞായറാഴ്ച രാത്രി പുറപ്പെടുവിച്ച രാജകൽപ്പനയിലാണ് ഏതാനും ഉത്തരവുകൾ ഉൾപ്പെടുന്നത്. പുതിയ സെൻട്രൽ ബാങ്ക് ഗവർണറെ പ്രഖ്യാപിച്ചതിന് പുറമെ ഭവന മന്ത്രാലയത്തെ മുനിസിപ്പൽ, ഗ്രാമകാര്യ മന്ത്രാലയവുമായി ലയിപ്പിക്കാനും ഉത്തരവുണ്ട്. മാജിദ് അൽ ഹുഖൈൽ ആണ് പുതിയ വകുപ്പിന്റെ മന്ത്രി. പുതിയ മന്ത്രാലയം മുനിസിപ്പൽ, ഗ്രാമകാര്യ, ഭവന മന്ത്രാലയം എന്നറിയപ്പെടും.

    സെൻട്രൽ ബാങ്ക് ഗവർണറായി നിയമിതനായ ഡോ: ഫഹദ് അൽ മുബാറക്കിനെ സഹമന്ത്രി, മന്ത്രിസഭാംഗം എന്നീ പദവികളിൽ നിന്ന് മാറ്റിയാണ് പുതിയ നിയമനം നൽകിയത്. നേരത്തെ സെൻട്രൽ ബാങ്ക് മേധാവിയായിരുന്ന ഡോ: അൽ ഖുലൈഫിയെ റോയൽ ഉപദേശകനായും നിയമിച്ചു. മന്ത്രി പദവിയോടെയാണ് നിയമനം. പാസ്‌പോർട്ട് ഡയറക്ടർ ജനറൽ (ജവാസാത്) സുലൈമാൻ അൽ യഹ്‌യയെ മേജർ ജനറലിൽ നിന്നും ലഫ്റ്റനന്റ് ജനറൽ ആക്കി ഉയർത്തുകയും ചെയ്തു. 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News