2022 May 21 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പ്രിയപ്പെട്ട ശൈഖ് ഖലീഫ ഓര്‍മയാകുമ്പോള്‍ പ്രവാസികള്‍ ഓര്‍ത്തെടുക്കുന്നു ഒട്ടേറെ നന്മകള്‍

ദുബൈ: രാജ്യപുരോഗതിയില്‍ പ്രവാസികള്‍ വഹിച്ച പങ്കിനെ ഓരോ വര്‍ഷവും നടക്കുന്ന ദേശീയ ദിനാഘോഷത്തില്‍ പ്രത്യേകം പരമാര്‍ശിക്കുന്ന ഭരണാധികാരിയായിരുന്നു ശൈഖ് ഖലീഫ. രാജ്യത്തിന്റെ 50 വര്‍ഷത്തെ വളര്‍ച്ചയിലും വിജയത്തിലും യു.എ.ഇയെ സ്വന്തം നാടായി കാണുന്ന മുഴുവന്‍ ജനങ്ങളുടെയും പങ്കാളിത്തമുണ്ടെന്ന് അദ്ദേഹം അഭിപ്രായപ്പെട്ടിരുന്നു. രാജ്യത്തെ വിജയ പാതയിലേക്ക് നയിക്കാന്‍ ആ രാജ്യത്തിലെ ജനങ്ങള്‍ മാത്രം വിചാരിച്ചാല്‍ സാധ്യമാവില്ലെന്നും അതിന് പുറത്തു നിന്നുള്ളവരുടെ കൂടി സഹായം അനിവാര്യമാണെന്നും അദ്ദേഹം നിരന്തരം പറയുമായിരുന്നു.
1950കളിലെ എണ്ണനിക്ഷേപം കണ്ടെത്തലിനു മുന്‍പ് യു.എ.ഇ ബ്രിട്ടീഷുകാരാല്‍ സംരക്ഷിക്കപ്പെട്ടുപോന്ന അവികസിതങ്ങളായ എമിറേറ്റുകളുടെ ഒരു കൂട്ടമായിരുന്നു. എണ്ണനിക്ഷേപത്തിന്റെ കണ്ടെത്തല്‍ വളര്‍ച്ചയെ ത്വരിതഗതിയിലാക്കി. ആധുനികവത്കരണത്തിനും വികസനത്തിനും അത് വഴിവച്ചു.
1971 ല്‍ അബുദബിയുടെ ഭരണാധികാരിയായിരുന്ന ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാന്റെ നേതൃത്വത്തിലാണ് 6 എമിറേറ്റുകള്‍ ചേര്‍ന്ന് സ്വതന്ത്രമായ ഫെഡറേഷന്‍ രുപം കൊണ്ടത്.
പിതാവിനൊപ്പം യു.എ.ഇ.യെ പടുത്തുയര്‍ത്തുന്നതില്‍ ശൈഖ് ഖലീഫ വലിയ പങ്കാണ് വഹിച്ചത്. മലയാളികളുമായും ഇന്ത്യയുമായും ശൈഖ് ഖലീഫയുടെ ബന്ധവും ശ്രദ്ധേയമാണ്. പ്രസിഡന്റിന്റെ കൊട്ടരാത്തിലുള്‍പ്പെടെ നിരവധി ജോലിക്കാര്‍ മലയാളികളായി ഇപ്പോഴുമുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.