2024 February 25 Sunday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

ചെറിയപെരുന്നാൾ: യുഎഇയിലെ സ്വകാര്യ മേഖലയ്ക്ക് അവധി പ്രഖ്യാപിച്ചു

ദുബായ്: റമദാൻ അവസാന നാളുകളിലേക്ക് അടുക്കെ പെരുന്നാളിനെ (ഈദുൽ ഫിത്ർ) വരവേൽക്കാനുള്ള ഒരുക്കത്തിലാണ് ലോകം മുഴുവനുമുള്ള ഇസ്‌ലാം മത വിശ്വാസികൾ. പെരുന്നാളിനോടനുബന്ധിച്ച് യുഎഇ സ്വകാര്യമേഖലയിലെ അവധി പ്രഖ്യാപിച്ചു. റമദാൻ 29 മുതൽ ശവ്വാൽ 3 വരെയാണ് അവധി പ്രഖ്യാപിച്ചത്. പൊതുമേഖലയ്ക്ക് നേരത്തെ പെരുന്നാൾ അവധി പ്രഖ്യാപിച്ചിരുന്നു.

സ്വകാര്യ മേഖലയിലെ എല്ലാ ജീവനക്കാർക്കും അവധി ലഭിക്കും. റമദാൻ 29 മുതൽ ശവ്വാൽ 3 വരെ ശമ്പളത്തോടെയുള്ള അവധിയായിരിക്കുമെന്ന് മാനവ വിഭവശേഷി, സ്വദേശിവൽക്കരണ മന്ത്രാലയം അറിയിച്ചു. ചന്ദ്രപ്പിറവിയെ അടിസ്ഥാനമാക്കിയാണ് പെരുന്നാൾ എത്തുക എന്നതിനാലാണ് അറബി മാസപ്രകാരം അവധി പ്രഖ്യാപിച്ചത്.

ഗ്രിഗോറിയൻ കലണ്ടർ പ്രകാരം റമസാനിലെ 29-ാം ദിവസം ഏപ്രിൽ 20 ന് ആയിരിക്കും. അതിനാൽ പെരുന്നാൾ അവധികൾ വ്യാഴാഴ്ച ആരംഭിക്കും. പൊതുമേഖലയെ പോലെ സ്വകാര്യമേഖലയ്ക്കും തുല്യമായ ഔദ്യോഗിക പൊതു അവധികൾ നൽകാനുള്ള യുഎഇ മന്ത്രിസഭാ തീരുമാനപ്രകാരമാണ് അവധികൾ പ്രഖ്യാപിച്ചത്.

   

കൂടുതല്‍ ഗള്‍ഫ് വാര്‍ത്തകള്‍ ലഭിക്കാന്‍ സുപ്രഭാതം വാട്‌സാപ്പ് കമ്യൂണിറ്റിയില്‍ ജോയിന്‍ ചെയ്യുക: https://chat.whatsapp.com/HVpI8bKnwZA7O8fvza77sv


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.