കാൽനട യാത്രക്കാരനെ ഇടിച്ചിട്ട് നിർത്താതെ പോയ ഡ്രൈവറെ മൂന്ന് മണിക്കൂറിനുള്ളിൽ പിടികൂടി യുഎഇ

ദു​ബൈ: റോ​ഡ്​ മു​റി​ച്ചു​ക​ട​ക്കു​ന്ന​തി​നി​ടെ യു​വാ​വി​നെ ഇടിച്ചിട്ട് പോയ വാഹന ഡ്രൈവറെ മൂന്ന് മണിക്കൂറിനുള്ളിൽ പിടികൂടി യുഎഇ പൊലിസ്. 24 കാരനായ ഏഷ്യൻ ഡ്രൈവറെയാണ് പിടിയിലായത്. സംഭവത്തിൽ 27 കാരനായ ഏഷ്യക്കാരന് ഗുരുതരമായി പരിക്കേറ്റിരുന്നു. പരിക്കേറ്റയാളെ അടിയന്തര വൈദ്യസഹായത്തിനായി റാഷിദ് ആശുപത്രിയിലേക്ക് മാറ്റി.

ഞായറാഴ്ച രാത്രി 10 മണിയോടെയാണ് റോഡ് മുറിച്ച് കടക്കുന്നതിനിടെ യുവാവിനെ റോഡിലൂടെ വന്ന വാൻ ഇടിച്ചത്. എന്നാൽ വാഹനം നിർത്താതെ പോവുകയായിരുന്നു. ഉടൻ സ്ഥലത്തെത്തിയ പൊലിസ് സംഘം പരിക്കേറ്റയാളെ ആശുപത്രിയിലേക്ക് മാറ്റിയെന്ന് ബ​ർ​ദു​ബൈ പൊലിസ്​ സ്​​റ്റേ​ഷ​ൻ ആ​ക്ടി​ങ്​ ഡ​യ​റ​ക്ട​ർ കേ​ണ​ൽ അ​ബ്​​ദു​ൽ മു​നീം അ​ബ്​​ദു​ൽ റ​ഹ്​​മാ​ൻ മു​ഹ​മ്മ​ദ്​ പ​റ​ഞ്ഞു.

വാഹനം കണ്ടെത്താൻ നടത്തിയ അ​ന്വേ​ഷ​ണ​ത്തി​ൽ ഒ​രു മ​ണി​ക്കൂ​റി​നു​ള്ളി​ൽ അ​പ​ക​ടം വ​രു​ത്തി​യ വാ​ഹ​ന​ത്തി​ൻറെ ലൊ​ക്കേ​ഷ​ൻ ക​ണ്ടെ​ത്താ​ൻ പൊലിസിന് ക​ഴി​ഞ്ഞു. എന്നാൽ വാഹനത്തിൽ ആളുണ്ടായിരുന്നില്ല. ഉ​പേ​ക്ഷി​ച്ച​നി​ല​യി​ലാ​യി​രു​ന്നു വാ​ഹ​നം. പി​ന്നാ​ലെ ന​ട​ത്തി​യ തി​ര​ച്ചി​ലി​ലാ​ണ്​ രാ​ജ്യം വി​ടാ​നൊ​രു​ങ്ങി​യ പ്ര​തി​യെ പി​ടി​കൂ​ടി​യ​ത്.