തൃശ്ശൂര്‍: നാല് മണിക്കൂര്‍ നീണ്ട വനംവകുപ്പ് ഉദ്യോഗസ്ഥരുടെ രക്ഷാദൗത്യം ഫലം കണ്ടില്ല. പാലപ്പിള്ളി എലിക്കോട് നഗറില്‍ സെപ്റ്റിക് ടാങ്കില്‍ വീണ കാട്ടാനക്കുട്ടി ചരിഞ്ഞു. അഞ്ച് മുതല്‍ 15 വയസുവരെ പ്രായമുണ്ടാകാം എന്നാണ് വനംവകുപ്പ് ഉദ്യോഗസ്ഥര്‍ പറയുന്നത്.

വ്യാഴാഴ്ച്ച രാവിലെയാണ് ആനക്കുട്ടി വീണതായി നാട്ടുകാരുടെ ശ്രദ്ധയില്‍പെട്ടത്. ശേഷം വനംവകുപ്പ് ഉദ്യോഗസ്ഥരെത്തി നാലുമണിക്കൂറോളം രക്ഷാപ്രവര്‍ത്തനം നടത്തിയെങ്കിലും കാട്ടാനക്കുട്ടി ചരിയുകയായിരുന്നു. ആനയുടെ പിന്‍കാലുകള്‍ പൂര്‍ണമായും മണ്ണിനടിയില്‍ കുടുങ്ങിയ നിലയിലായിരുന്നു.