ദുബൈ; 141 പുതിയ ബസ് കാത്തിരിപ്പ് കേന്ദ്രങ്ങള്‍ കുടി നിര്‍മാണം പൂര്‍ത്തിയാക്കി ദുബൈ. 726 പുതിയ ബസ് ഷെല്‍ട്ടറുകള്‍ അടുത്തവര്‍ഷം അവസാനത്തോട് കൂടി നിര്‍മിക്കുമെന്ന് ദുബൈ ആര്‍.ടി.എ അറിയിച്ചു.

ദുബൈ നഗരത്തിന്റെ വിവിധ ഭാഗങ്ങളില്‍ വിപുല സൗകര്യങ്ങളോടെയാണ് പുതിയ ബസ് കാത്തിരിപ്പ് കേന്ദ്രങ്ങള്‍ നിര്‍മാണം പൂര്‍ത്തിയാക്കിയതെന്ന് ദുബൈ റോഡ് ട്രാന്‍സ്‌പോര്‍ട്ട് അതോറിറ്റി അറിയിച്ചു. നഗരത്തിന്റെ ജീവിത നിലവാരത്തോട് ചേര്‍ന്ന രൂപകല്‍പനയാണ് പുതിയ ബസ് ഷെല്‍ട്ടറുകളേത്. എയര്‍കണ്ടീഷന്‍ ചെയ്ത ബസ് കാത്തിരിപ്പ് കേന്ദ്രങ്ങളും വെയിലേല്‍ക്കാതെ തണലില്‍ ബസ് കാത്തിരിക്കാനുള്ള കേന്ദ്രങ്ങളും ഒരുക്കിയിട്ടുണ്ട്. 

ബസ് കാത്തിരിപ്പ് കേന്ദ്രങ്ങളെ നാല് വിഭാഗങ്ങളായി തിരിച്ചാണ് നിർമാണം. പ്രതിദിനം 750 ൽ കൂടുതൽ യാത്രക്കാർ ഉപയോഗിക്കുന്ന ബസ് ഷെൽട്ടറുകളെ പ്രൈമറി ഷെൽട്ടറുകളായി കണക്കാക്കും. 250 മുതൽ 750 വരെ യാത്രക്കാരുള്ള ഷെൽട്ടറുകളെ സെക്കൻഡറി കാത്തരിപ്പ് കേന്ദ്രമായും, നൂറിൽ താഴെ യാത്രക്കാർ എത്തുന്നവയെ ഡ്രോപ് ഓഫ്, പിക്ക് അപ് ഷെൽട്ടർ ഗണത്തിലും ഉൾപ്പെടുത്തും. ബസ് സമയം യാത്രാവിവരങ്ങൾ എന്നിവ അറിയിക്കുന്ന ഇൻഫോർമേഷൻ ബോർഡുകൾ, ഭിന്നശേഷിക്കാർക്കായുള്ള വിവിധ സൗകര്യങ്ങൾ, വീൽചെയറിൽ എത്തുന്നവർക്ക് പ്രത്യേകയിടം എന്നിങ്ങനെയുള്ള സൗകര്യങ്ങൾ ബസ് കാത്തിരിപ്പ് കേന്ദ്രങ്ങളിൽ ഒരുക്കിയിട്ടുണ്ടെന്ന് ആർ.ടി.എ അറിയിച്ചു.

ubai's Roads and Transport Authority (RTA) has just completed the construction of 141 new bus stops, complete with air-conditioned waiting areas. This move is part of Dubai's efforts to enhance its public transportation system and provide commuters with a more comfortable and convenient travel experience.