ദോഹ: അബു ഹമൂറിലെ റിലീജിയസ് കോംപ്ലക്‌സിലേക്കും സമീപ പ്രദേശങ്ങളിലേക്കും ദോഹ മെട്രോയുടെ മെട്രോ ലിങ്ക് ബസുകൾ സർവീസ് ആരംഭിക്കുന്നു. നാളെ മുതലാണ് സർവിസ് ആരംഭിക്കും.  23 മുതൽ മെട്രോയുടെ ഫീഡർ ബസുകളായ മെട്രോ ലിങ്ക് ബസിൻ്റെ സർവിസ് വിവരം പ്രഖ്യാപിച്ചത് മെട്രോ അധികൃതരാണ്. മെട്രോയുടെ എം 141 ബസ് ആണ് ഫ്രീ സോൺ സ്റ്റേഷനിൽ നിന്ന് റിലീജിയസ് കോംപ്ലക്‌സ് വരെ സർവിസ് നടത്തുക‌.

റീലിജിയസ് കോംപ്ലക്‌സ്, വർക്കേഴ്‌സ് ഹെൽത്ത് സെന്റർ, ഫിലിപ്പീൻ സ്കൂൾ ദോഹ, പാക് ഷമാ സ്‌കൂൾ, ബിർള പബ്ലിക് സ്കൂ‌ൾ, ഹാമിൽട്ടൺ ഇൻ്റർനാഷനൽ സ്കൂൾ എന്നിവിടങ്ങളിലൂടെയാണ് ബസ് സർവിസ് നടത്തുക. റിലീജിയസ് കോംപ്ലക്സിലേക്കുള്ള പുതിയ സർവീസ് ഇവിടുത്തെ പള്ളികളിലേക്ക് എത്തുന്ന വിശ്വാസികളുടെ യാത്ര കൂടുതൽ എളുപ്പമാക്കും. മെട്രോ സേവനങ്ങൾ വിപുലീകരിക്കുന്നതിന്റെ ഭാഗമായാണിത്.

ബു സിദ്ര പ്രദേശങ്ങളിലേക്ക് ഈ മാസം ആദ്യം മെട്രോ ലിങ്ക് സർവീസുകൾ ആരംഭിച്ചിരുന്നു. ദോഹ മെട്രോ സ്‌റ്റേഷനുകളുടെ രണ്ട് മുതൽ അഞ്ച് കിലോമീറ്റർ പരിധിക്കുള്ളിലാണ് മെട്രോ യാത്രക്കാർക്കായി മെട്രോ ലിങ്ക് ബസുകളുടെ സൗജന്യ സേവനം ഉറപ്പാക്കിയിരിക്കുന്നത്. നിലവിൽ ഗ്രീൻ, റെഡ്, ഗോൾഡ് ലൈനുകളിലായി 37 സ്‌റ്റേഷനുകളാണ് ദോഹ മെട്രോയ്ക്കുള്ളത്.

Commuters in Doha can look forward to a new Metro Link bus service connecting to the Abu Hamour Religious Complex, starting tomorrow.