മനാമ: ഒമാന്‍ സന്ദര്‍ശിച്ച ബഹ്‌റൈന്‍ വിദേശകാര്യ മന്ത്രി ഡോ. അബ്ദുല്ലത്തീഫ് ബിന്‍ റാഷിദ് അല്‍ സയാനി സുല്‍ത്താന്‍ ഹൈതം ബിന്‍ താരിഖുമായി കൂടിക്കാഴ്ച നടത്തി. അല്‍ ബര്‍ക്ക പാലസില്‍ നടന്ന കൂടിക്കാഴ്ചയില്‍ വിദേശകാര്യ മന്ത്രി സുല്‍ത്താനും ഒമാനി ജനതക്കുമുള്ള ബഹ്‌റൈന്‍ രാജാവ് ഹമദ് ബിന്‍ ഈസ ആല്‍ ഖലീഫയുടെ ആശംസകള്‍ അറിയിച്ചു. ഹമദ് രാജാവിനും ബഹ്‌റൈനിലെ ജനങ്ങള്‍ക്കും സുല്‍ത്താനും അദ്ദേഹം ആശംസകള്‍ നേര്‍ന്നു.

പ്രാദേശിക സംഭവവികാസങ്ങള്‍, ഗള്‍ഫ്, അന്തര്‍ദേശീയ വിഷയങ്ങള്‍, സുല്‍ത്താനേറ്റും ബഹ്‌റൈനും ത മ്മിലുള്ള സഹകരണം വര്‍ധിപ്പിക്കുന്നതിനും പങ്കാളിത്തം ശക്തിപ്പെടുത്തുന്നതിനുമുള്ള വഴികള്‍, പരസ്പര താല്‍പര്യമുള്ള വിഷയങ്ങള്‍ തുടങ്ങിയവ ഇരുവരും ചര്‍ച്ച ചെയ്തു. വിദേശകാര്യ മന്ത്രി സയ്യിദ് ബദര്‍ ബിന്‍ ഹമദ് അല്‍ ബുസൈദി, ബഹ്‌റൈന്‍ കാബിനറ്റ് കാര്യ മന്ത്രി ഫൈ സല്‍ അല്‍ മാല്‍കി, ബഹ്‌റൈന്‍ അംബാസഡര്‍ ഡോ. ജുമാ ബിന്‍ അഹമ്മദ് അല്‍ കാബി തുടങ്ങിയവര്‍ യോ ഗത്തില്‍ പങ്കെടുത്തു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Bahrain's Foreign Minister, Dr. Abdullatif bin Rashid Al Zayani, met with Oman's Sultan, Haitham bin Tariq, to discuss regional issues and enhance cooperation between the two nations.