തിരുവനന്തപുരം: സംസ്ഥാനത്ത് ഇന്നും മഴതുടരും. മലയോരമേഖലയില്‍ ഒറ്റപ്പെട്ട മഴയ്ക്കും സാധ്യത. മഴ മുന്നറിയിപ്പ് ഒരു ജില്ലയിലുമില്ല. തീരദേശപ്രദേശങ്ങളിലും നഗരങ്ങളിലും ഇടിമിന്നലോടു കൂടിയ ഒറ്റപ്പെട്ട മഴയ്ക്കും സാധ്യതയുണ്ട്. കേരളത്തിലും ലക്ഷദ്വീപിലും മത്സ്യ ബന്ധനത്തിന് തടസമില്ല.

24 മണിക്കൂറില്‍ 64.05 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെയുള്ള മഴ കിട്ടുന്ന സാഹചര്യത്തെയാണ് ശക്തമായ മഴയായി കണക്കാക്കുന്നത്. തെക്കുകിഴക്കന്‍ അറബിക്കടലിനു മുകളില്‍ തെക്കന്‍ കേളത്തിനു സമീപം ചക്രവാതച്ചുഴി സ്ഥിതിചെയ്യുന്നുണ്ടെന്നാണ് കേന്ദ്ര കാലാവസ്ഥാ വകുപ്പ് അറിയിച്ചിരിക്കുന്നത്.

നവംബര്‍ അഞ്ചോടെ തെക്കുകിഴക്കന്‍ ബംഗാള്‍ ഉള്‍ക്കടലില്‍ ചക്രവാതച്ചുഴിയും രൂപപ്പെടാന്‍ സാധ്യതയുണ്ടെന്നും കേരളത്തില്‍ അടുത്ത അഞ്ചു ദിവസങ്ങളില്‍ ഇടിമിന്നലോടുകൂടിയ ഇടത്തരം മഴയ്ക്കു സാധ്യതയുണ്ടെന്നും അറിയിച്ചു. 

In Thiruvananthapuram, it is expected to continue raining in the state today, with isolated showers likely in hilly areas. There are no rain warnings issued for any districts.