കൊല്ലം: കൊല്ലം പൂയപ്പള്ളിയില്‍ നിന്നും ഇന്നലെ കാണാതായ വിദ്യാര്‍ത്ഥികളെ ശാസ്താംകോട്ട തടാകത്തില്‍ മരിച്ച നിലയില്‍ കണ്ടെത്തി.  പൂയപ്പള്ളി മൈലോട് ദൈവനികേതത്തില്‍ ദേവ നന്ദ(17), അമ്പലംകുന്ന ചെങ്ങൂര്‍ തെക്കുംകര വീട്ടില്‍ ഷെഹിന്‍ഷാ(17) എന്നിവരാണ് മരിച്ചത്. ശാസ്താംകോട്ട തടാക തീരത്ത് ഇന്ന് രാവിലെയാണ് മൃതദേഹം കണ്ടെത്തിയത്.
 
കൊട്ടാരക്കര ബോയ്‌സ് സ്‌കൂളിലെ പ്ലസ് വണ്‍ വിദ്യാര്‍ത്ഥിയാണ് ഷെബിന്‍ഷാ. ഓടനാവട്ടം കെ.ആര്‍.ജി.പി.എം സ്‌കൂളിലെ  പ്ലസ് വണ്‍ വിദ്യാര്‍ത്ഥിയാണ് ദേവനന്ദ. ഇന്നലെയാണ് ഇരുവിദ്യാര്‍ത്ഥികളെയും കാണാതായത്. വീട്ടുകാരുടെ പരാതിയെ തുടര്‍ന്ന് പൊലിസ് വ്യാപക അന്വേഷണം നടത്തുന്നതിനിടെയാണ് മൃതദേഹങ്ങള്‍ കണ്ടെത്തിയത്.

മൃതദേഹങ്ങള്‍ താലൂക്കാശുപത്രിയിലേക്ക് മാറ്റി. മരണകാരണം വ്യക്തമായിട്ടില്ല. പൂയപ്പള്ളി പൊലിസ് അന്വേഷണം ആരംഭിച്ചിട്ടുണ്ട്.