2021 April 16 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സിറിയയില്‍ സൈന്യത്തെ ഉപയോഗിച്ച ബൈഡന്‍റെ അധികാരത്തെ ചോദ്യം ചെയ്ത് ഡമോക്രാറ്റിക് സെനറ്റര്‍മാര്‍

പി.പി ചെറിയാന്‍

 
വാഷിങ്ടന്‍: സ്വയരക്ഷയ്‌ക്കോ അത്യാവശ്യ സന്ദര്‍ഭങ്ങളിലോ അല്ലാതെ സൈന്യത്തെ ഉപയോഗിക്കുന്നതിനുള്ള പ്രസിഡന്‍റ് ബൈഡന്‍റെ അധികാരത്തെ ചോദ്യം ചെയ്ത് ഡമോക്രാറ്റിക് സെനറ്റര്‍മാര്‍ രംഗത്ത്. ഫെബ്രുവരി 25 വ്യാഴാഴ്ച ഈസ്റ്റേണ്‍ സിറിയയില്‍ ഇറാന്‍ പിന്തുണയുള്ള സൈന്യത്തിനെതിരെ നടത്തിയ അമേരിക്കന്‍ വ്യോമാക്രമണം മുകളില്‍ ഉദ്ധരിച്ച രണ്ടു സാഹചര്യങ്ങളിലും അല്ലായിരുന്നുവെന്നാണു വെര്‍ജീനിയയില്‍ നിന്നുള്ള ഡെമോക്രാറ്റിക് സെനറ്റര്‍ ടിം കെയ്ല്‍ അഭിപ്രായപ്പെട്ടു.

ഇതിനെ പിന്തുണച്ചു കലിഫോര്‍ണിയായില്‍ നിന്നുള്ള ഡെമോക്രാറ്റിക് ഹൗസ് അംഗം റോ ഖന്നയും പ്രസ്താവനയിറക്കിയിരുന്നു. ഇതാദ്യമായി പ്രസിഡന്റ് ബൈഡന്‍ അമേരിക്കന്‍ സൈന്യത്തെ ഉപയോഗിച്ചതിനുള്ള ന്യായീകരണവും ഇവര്‍ ആവശ്യപ്പെട്ടു. ഒഫന്‍സീവ് മിലിട്ടറി ആക്ഷന്‍ ആവശ്യമെങ്കില്‍ കോണ്‍ഗ്രസിനെ ബോധ്യപ്പെടുത്തിയിട്ടു മാത്രമേ നടപ്പാക്കാനാവൂ എന്നാണു ഭരണഘടന വിവക്ഷിക്കുന്നത്. അതിനു സാധ്യമല്ലെങ്കില്‍ സൈനിക നടപടികള്‍ പൂര്‍ത്തിയായ ഉടന്‍ കോണ്‍ഗ്രസിനെ അറിയിക്കേണ്ടതുണ്ടെന്നും സെനറ്റര്‍മാര്‍ പറഞ്ഞു.

അതേസമയം, സെനറ്റര്‍ ബെര്‍ണി സാന്‍റേഴ്‌സ് പ്രസിഡന്‍റ് ബൈഡന്‍റെ സൈന്യത്തെ ഉപയോഗിക്കുന്നതിനുള്ള അധികാരത്തെ ചോദ്യം ചെയ്തു. അമേരിക്കന്‍ പൗരന്മാരെ സംരക്ഷിക്കുന്നതിനാവശ്യമായ സൈന്യത്തെ ഉപയോഗിക്കണമെങ്കില്‍ പോലും അതിനുള്ള അധികാരം പ്രസിഡന്‍റിനില്ല, കോണ്‍ഗ്രസിനാണെന്നാണു ഭരണഘടന അനുശാസിക്കുന്നതെന്നും ബെര്‍ണി ചൂണ്ടിക്കാട്ടി. ബൈഡന്റെ സിറിയന്‍ ആക്രമണം വലിയൊരു വിവാദത്തിലേക്കാണു വലിച്ചിഴക്കപ്പെട്ടിരിക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.