2023 January 29 Sunday
‘കട്ടപ്പുറത്തെ കേരള സര്‍ക്കാര്‍’ ധവളപത്രം പുറത്തിറക്കി യു.ഡി.എഫ്; ഗുരുതര ആരോപണങ്ങള്‍

പൗരത്വ നിയമ പ്രക്ഷോഭം: ടാങ്കര്‍ ഡ്രൈവര്‍ പൊള്ളലേറ്റ് മരിച്ചു, പൊലിസ് വെടിവയ്പ്പില്‍ പരുക്കേറ്റ ഒരാള്‍ കൂടി മരിച്ചു; അസമില്‍ മരിച്ചവരുടെ എണ്ണം ആറായി

 

ഗുവാഹത്തി: പൗരത്വ നിയമ ഭേദഗതിക്കെതിരെ അസമില്‍ നടക്കുന്ന പ്രക്ഷോഭത്തില്‍ മരിച്ചവരുടെ എണ്ണം ആറായി. പൊലിസ് വെടിവയ്പ്പില്‍ പരുക്കേറ്റ് ചികിത്സയിലുന്നയാളും തീവയ്പ്പില്‍ പൊള്ളലേറ്റ ടാങ്കര്‍ ഡ്രൈവറുമാണ് ഇന്നു മരിച്ചത്. അസമില്‍ കര്‍ഫ്യൂ, ഇന്റര്‍നെറ്റ് നിരോധനം അടക്കം കടുത്ത നിയന്ത്രണങ്ങളാണ് ഇപ്പോഴുള്ളത്.

അതേസമയം, കഴിഞ്ഞദിവസങ്ങളില്‍ അസമിലുണ്ടായതിനേക്കാള്‍ രൂക്ഷമായ പ്രക്ഷോഭമാണ് ഇപ്പോള്‍ പശ്ചിമബംഗാളില്‍ നടക്കുന്നത്. അഞ്ച് ട്രെയിനുകള്‍ക്കും മൂന്ന് റെയില്‍വേ സ്റ്റേഷനുകള്‍ക്കും 25 ബസുകള്‍ക്കും പ്രക്ഷോഭകര്‍ തീവയ്ക്കുകയുണ്ടായി.

അസമില്‍ ഇന്റര്‍നെറ്റ് നിരോധനത്തിന്റെ സമയം നീട്ടിയിരിക്കുകയാണ്. തിങ്കളാഴ്ച രാത്രി വരെയാണ് കര്‍ഫ്യൂവും ഇന്റര്‍നെറ്റ് നിരോധനവും തുടരുക.

ഒപ്പം മേഘാലയയിലും നാഗാലാന്‍ഡിലും പ്രതിഷേധം തുടരുകയാണ്. ഇതേത്തുടര്‍ന്ന് യു.ജി.സി നെറ്റ് പരീക്ഷകള്‍ അടക്കം ഇവിടെ മാറ്റിവച്ചു.

നാഗാലാന്‍ഡില്‍ ഇന്നലെ ആറു മണിക്കൂര്‍ ഹര്‍ത്താലായിരുന്നു. സ്‌കൂളുകളും മാര്‍ക്കറ്റുകളും മറ്റും അടഞ്ഞുകിടന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.