2022 August 16 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

ജലാലാബാദില്‍ അഫ്ഗാന്‍ ദേശീയ പതാകയുമായി പ്രതിഷേധം; വെടിയുതിര്‍ത്ത് താലിബാന്‍, മൂന്നു പേര്‍ കൊല്ലപ്പെട്ടു

 

കാബൂള്‍: ജലാലാബാദ് നഗരത്തില്‍ അഫ്ഗാന്‍ ദേശീയ പതാക മാറ്റി താലിബാന്‍ പതാക സ്ഥാപിച്ചതോടെ സംഘര്‍ഷം. ഇതേത്തുടര്‍ന്ന് ജനങ്ങള്‍ അഫ്ഗാന്‍ പതാകയുമായി പ്രതിഷേധിക്കുകയും താലിബാന്‍ വെടിയുതിര്‍ക്കുകയും ചെയ്തു. മൂന്നു പേര്‍ കൊല്ലപ്പെട്ടുവെന്നാണ് അല്‍ജസീറ റിപ്പോര്‍ട്ട് ചെയ്യുന്നത്.

അഫ്ഗാനിസ്ഥാന്‍ ദേശീയ പതാക അഴിച്ചുമാറ്റി താലിബാന്‍ പതാക കെട്ടിയതോടെ പ്രദേശവാസികള്‍ എതിര്‍പ്പുമായി രംഗത്തുവരികയായിരുന്നുവെന്ന് അല്‍ജസീറ റിപ്പോര്‍ട്ട് ചെയ്തു. തുടര്‍ന്ന് നൂറുകണക്കിനാളുകള്‍ അഫ്ഗാന്‍ പതാകയുമേന്തി തെരുവില്‍ പ്രതിഷേധവുമായി രംഗത്തെത്തി. ജലാലാബാദിലെ സുപ്രധാന ചത്വരത്തിനു മുകളിലെ പതാകയുമായി ബന്ധപ്പെട്ടാണ് പ്രശ്‌നമുദിച്ചത്.

അതേസമയം, അഫ്ഗാനിസ്ഥാനില്‍ നിന്ന് വിവിധ രാജ്യങ്ങള്‍ രക്ഷാപ്രവര്‍ത്തനവും ഒഴിപ്പിക്കലും തുടരുന്നു. നൂറുകണക്കിനു പേരുമായി യു.കെയിലേക്കും ജര്‍മനിയിലേക്കും വിമാനങ്ങള്‍ പറന്നു. സ്ത്രീ സ്വാതന്ത്ര്യവും മാധ്യമസ്വാതന്ത്ര്യവും സര്‍ക്കാര്‍ ഉദ്യോഗസ്ഥര്‍ക്ക് പൊതുമാപ്പും താലിബാന്‍ പ്രഖ്യാപിച്ചിരുന്നു. ഇതിനു പിന്നാലെയും കുടിയേറ്റം തുടരുകയാണ്.

തങ്ങള്‍ ഇതിനകം 3200 പേരെ കാബൂളില്‍ നിന്ന് രക്ഷപ്പെടുത്തിയെന്ന് യു.എസ് സൈന്യം വ്യക്തമാക്കി. ചൊവ്വാഴ്ച മാത്രം 1100 പേരെയാണ് ഒഴിപ്പിച്ചത്. ഇതിലേറെയും സാധാരണക്കാരാണ്.

നയതന്ത്ര ഉദ്യോഗസ്ഥര്‍, സഹായികള്‍, സുരക്ഷാ ഉദ്യോഗസ്ഥര്‍ തുടങ്ങി, കഴിഞ്ഞ 24 മണിക്കൂറിനിടെ 5000 പേരെ കാബൂളില്‍ നിന്ന് വിമാനം വഴി മറ്റു രാജ്യങ്ങളിലേക്ക് കൊണ്ടുപോയിട്ടുണ്ട്. യാത്രാവിമാനങ്ങള്‍ക്ക് നിരോധനമുള്ള കാബൂള്‍ വിമാനത്താവളത്തില്‍ നിന്ന് സൈനിക വിമാനങ്ങളിലാണ് ആളുകളെ ഒഴിപ്പിക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.