2021 September 20 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

റിയാദ്, ജിദ്ദ, ദമാം തുടങ്ങി സഊദി അറേബ്യയുടെ പ്രധാന നഗരങ്ങളിൽ ഇന്ന് മുതൽ 24 മണിക്കൂർ കർഫ്യൂ

അക്ബർ വേങ്ങാട്ട്

റിയാദ്: കോവിഡ് 19 വൈറസ് പ്രതിരോധം ശക്തമാക്കുന്നതിന്റെ ഭാഗമായി തലസ്ഥാന നഗരിയായ റിയാദ് അടക്കം സൗദി അറേബ്യയിലെ പ്രധാന നഗരങ്ങളിൽ 24 മണിക്കൂർ കർഫ്യൂ പ്രഖ്യാപിച്ചു.  റിയാദ്, ജിദ്ദ, ദമാം, തബൂക്ക്, ദഹ് റാൻ, ഹൊഫൂഫ്, തായിഫ്, ഖത്തീഫ്, അൽകോബാർ എന്നിവിടങ്ങളിലാണ്‌ ആഭ്യന്തര മന്ത്രാലയം അനിശ്ചിത കാല കർഫ്യൂ ഏർപ്പെടുത്തിയത്.  മക്കയിലും മദീനയിലും നേരത്തെ 24 മണിക്കൂർ കർഫ്യൂ ഏർപ്പെടുത്തിയിരുന്നു.

അവശ്യ സേവനമെന്ന നിലയിൽ ഭക്ഷ്യ വസ്തുക്കൾ വാങ്ങുന്നതിനും ആശുപത്രിയിൽ പോകുന്നതിനുമായി രാവിലെ 6 മുതൽ ഉച്ചക്ക് ശേഷം 3 മണി വരെ സമയം ഉപയോഗപ്പെടുത്താ വുന്നതാണ്‌. ഈ സമയത്ത് വാഹനങ്ങളിൽ ഡ്രൈവർക്ക് പുറമെ ഒരാൾ മാത്രമെ യാത്ര ചെയ്യാൻ പാടുള്ളൂ. ആശുപത്രികൾ, ക്ലിനിക്കുകൾ, ഫാർമസി, സൂപ്പർ മാർക്കറ്റുകൾ, പെട്രോൾ പമ്പുകൾ, പാചക വാതക വിതരണ കേന്ദ്രങ്ങൾ, ബാങ്ക്, ഇലക്ട്രിക്കൽ, പ്ലംബിംഗ്, എയർകണ്ടീഷൻ, മെയിന്റനൻസ് പ്രവർത്തനങ്ങൾ, മലിന ജലം കൊണ്ടു പോകുന്ന സേവനം തുടങ്ങിയവ കർഫ്യൂവിൽ നിന്നും ഒഴിവാണ്‌.

ജനങ്ങൾ പരമാവധി വീടുകളിൽ തന്നെ കഴിഞ്ഞ് കൂടണമെന്ന് അധികൃതർ ആവശ്യപ്പെട്ടു. അത്യാവശ്യങ്ങൾക്ക്
മുതിർന്നവർ മാത്രമെ വീടുകളിൽ നിന്നും പുറത്തിറങ്ങാൻ പാടുള്ളൂ. കുട്ടികളെ പുറത്തിറക്കരുത്. ഭക്ഷ്യ വസ്തുക്കളൂം മരുന്നും വാങ്ങുന്നതിന്‌ ഓൺ ലൈൻ ഡെലിവറി സേവനം ഉപയോഗപ്പെടുത്താം. പൊതു ജനാരോഗ്യം മുൻ നിർത്തി അപകടകാരിയ വൈറസിനെ അകറ്റി നിർത്താൻ പൂർണ്ണമായും സാമൂഹിക സമ്പർക്കം ഒഴിവാക്കാൻ ഓരോരുത്തരും ശ്രദ്ദിക്കണമെന്നും ആഭ്യന്തര മന്ത്രാലയം ആവശ്യപ്പെട്ടു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.