2021 April 16 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

മോട്ടേരയില്‍ വീണ്ടും ഇന്ത്യ; നാലാം ടെസ്റ്റിലും തകര്‍ന്നടിഞ്ഞ് ഇംഗ്ലണ്ട്

അഹമ്മദാബാദ്: ഒരിക്കല്‍ കൂടി സ്പിന്നര്‍മാര്‍ ഇംഗ്ലീഷ് പടയെ വീഴ്ത്തിയതോടെ നാല് മത്സരങ്ങളുടെ ടെസ്റ്റ് പരമ്പര സ്വന്തമാക്കി ഇന്ത്യ. പിച്ചിനെ പഴിച്ചവര്‍ക്ക് ബാറ്റ് കൊണ്ടും പന്തുകൊണ്ടും ഇന്ത്യ മറുപടി നല്‍കി. ഒരു ഇന്നിംഗ്സിനും 25 റണ്‍സിനുമായിരുന്നു ഇന്ത്യയുടെ വിജയം.

രണ്ടാം ഇന്നിങ്സില്‍ ഇംഗ്ലണ്ട് 135 റണ്‍സിന് എല്ലാവരും പുറത്തായി. അക്ഷര്‍ പട്ടേലും രവിചന്ദ്രന്‍ അശ്വിനുമാണ് ഇംഗ്ലണ്ടിനെ കറക്കി വീഴ്ത്തിയത്. അശ്വിന്‍ 22.5 ഓവറില്‍ 47 റണ്‍സ് വഴങ്ങി 5 വിക്കറ്റ് വീഴ്ത്തിയപ്പോള്‍ അക്ഷര്‍ പട്ടേല്‍ 24 ഓവറില്‍ 48 റണ്‍സ് വഴങ്ങി 5 വിക്കറ്റ് വീഴ്ത്തി ഉറച്ച പിന്തുണ നല്‍കി. ഇംഗ്ലണ്ട് നിരയില്‍ നാല് പേര്‍ക്ക് മാത്രമാണ് രണ്ടക്കം കടക്കാനായത്. 50 റണ്‍സ് നേടിയ ഡാന്‍ ലോറന്‍സാണ് ഇംഗ്ലണ്ടിന്റെ ടോപ് സ്‌കോറര്‍.

30 റണ്‍സ് നേടുന്നതിനിടെ ഇംഗ്ലണ്ടിന്റെ നാല് മുന്‍നിര ബാറ്റ്സ്മാന്‍മാര്‍ കൂടാരം കയറി. സാക്ക് ക്രൗളി(5), ഡോം സിബ്ലി(3), ജോണി ബെയര്‍സ്റ്റോ(0) എന്നിവര്‍ വന്നപോലെ മടങ്ങിയപ്പോള്‍ നായകന്‍ ജോ റൂട്ട് 30 റണ്‍സ് നേടി. ബെന്‍ സ്റ്റോക്സിന് 2 റണ്‍സ് മാത്രമാണ് നേടാനായത്. ഒലി പോപ്പ് 15ഉം ബെന്‍ ഫോക്സ് 13 റണ്‍സുമെടുത്തു. അര്‍ദ്ധ സെഞ്ച്വറി നേടിയ ഡാന്‍ ലോറന്‍സിന്റെ പ്രകടനം മാത്രമാണ് ഇംഗ്ലണ്ടിന് ആശ്വസിക്കാന്‍ വകനല്‍കിയത്. ജയത്തോടെ നാല് മത്സരങ്ങളുടെ പരമ്പര ഇന്ത്യ 3-1നാണ് സ്വന്തമാക്കിയത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.