2021 April 16 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സ്വകാര്യ ആശുപത്രികളില്‍ കൊവിഡ് വാക്‌സിന്‍ ഡോസൊന്നിന് 250 രൂപയ്ക്ക്

 

ന്യൂഡല്‍ഹി: രാജ്യത്ത് സ്വകാര്യ ആശുപത്രികളിലും ആരോഗ്യ കേന്ദ്രങ്ങളിലും കൊവിഡ് വാക്‌സിന്‍ വിതരണം ചെയ്യാന്‍ തീരുമാനിച്ചതിനു പിന്നാലെ, വിലയും നിശ്ചയിച്ചു. ഡോസൊന്നിന് 250 രൂപ നിരക്കിലാണ് സ്വകാര്യ കേന്ദ്രങ്ങളില്‍ നിന്ന് വാക്‌സിനേഷന്‍ ലഭിക്കുക. എല്ലാ സര്‍ക്കാര്‍ ആശുപത്രികളിലും ആരോഗ്യകേന്ദ്രങ്ങളിലും സൗജന്യമായാണ് വാക്‌സിനേഷന്‍ ലഭ്യമാക്കുക.

60 വയസിനു മുകളിലുള്ളവര്‍ക്കും 45 വയസിനു മുകളിലുള്ള അസുഖബാധിതര്‍ക്കും മാര്‍ച്ച് ഒന്നു മുതല്‍ വാക്‌സിനേഷന്‍ നല്‍കിത്തുടങ്ങുമെന്ന് കേന്ദ്ര സര്‍ക്കാര്‍ നേരത്തെ പ്രഖ്യാപിച്ചിരുന്നു. സര്‍ക്കാര്‍ കേന്ദ്രങ്ങള്‍ക്കു പുറമെ സ്വകാര്യ കേന്ദ്രങ്ങളിലും വാക്‌സിനേഷന്‍ നല്‍കുമെന്നും പ്രഖ്യാപിച്ചിട്ടുണ്ട്.

10,000 സര്‍ക്കാര്‍ കേന്ദ്രങ്ങളിലും 20,000 സ്വകാര്യ കേന്ദ്രങ്ങളിലുമാണ് മാര്‍ച്ച് ഒന്നു മുതല്‍ വാക്‌സിന്‍ നല്‍കിത്തുടങ്ങുക. 10,000 സ്വകാര്യ ആശുപത്രികള്‍ ഇതിനകം സജ്ജമായിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.