2022 November 28 Monday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

യു.എ.ഇയില്‍ കൊവിഡ് ബാധിതരുടെ എണ്ണം പതിനായിരം കടന്നു

  • ഇന്ന് അഞ്ച് പേര്‍ കൂടി മരിച്ചു
  • രാജ്യത്തെ കൊവിഡ് മരണസംഖ്യ 76 ആയി

 

ദുബായ്: യു.എ.ഇയില്‍ അഞ്ച് പേര്‍ കൂടി വൈറസ് ബാധ മൂലം മരിച്ചു. ഇതോടെ രാജ്യത്തെ കൊവിഡ് മരണസംഖ്യ 76 ആയി.
ഇന്ന് മരിച്ച അഞ്ച് പേരും വിവിധ രാജ്യക്കാരാണ്. മറ്റു രോഗങ്ങളോടൊപ്പം വൈറസ് ബാധിച്ചതുമാണ് മരണകാരണമെന്ന് ആരോഗ്യ മന്ത്രാലയം അറിയിച്ചു.

ഇന്ന് നടത്തിയ 35,000 കൊവിഡ് ടെസ്റ്റുകളില്‍ 536 പോസിറ്റീവ് കേസുകള്‍ കൂടി. മൊത്തം കൊവിഡ് ബാധിതരുടെ എണ്ണം പതിനായിരം പിന്നിട്ടു. 10,349 പേര്‍ക്കാണ് ഇതുവരെ യു.എ.ഇയില്‍ കൊവിഡ് റിപ്പോര്‍ട്ട് ചെയ്തത്.

ഇന്ന് 91 പേര്‍ക്ക് കൂടി രോഗം ഭേദമായി.

രാജ്യത്ത് ഇതുവരെ 1,978 പേര്‍ക്ക് രോഗം പൂര്‍ണമായും സുഖപ്പെട്ടതായി ആരോഗ്യമന്ത്രാലയം അറിയിച്ചു.

നിലവില്‍ ചികിത്സയില്‍ തുടരുന്ന ആക്ടീവ് കേസുകള്‍ 8,371 ആണ്.
അതേസമയം, പുതുതായി രോഗം റിപ്പോര്‍ട്ട് ചെയ്യപ്പെടുന്നവരുടെ എണ്ണം ദിവസവും ഉയരുന്നത് ജനങ്ങള്‍ കൂടുതല്‍ ജാഗ്രതപാലിക്കണമെന്ന സന്ദേശമാണ് നല്‍കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.

Latest News