2021 September 20 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

മലപ്പുറത്ത് മകനു പിന്നാലെ മാതാപിതാക്കളും കൊവിഡ് ബാധിച്ച് മരിച്ചു

 

മലപ്പുറം: മകന്‍ കൊവിഡ് ബാധിച്ച് മരിച്ചതിനു പിന്നാലെ മതാപിതാക്കളും രോഗംബാധിച്ച് മരിച്ചു. മലപ്പുറം വാഴക്കാട് പഞ്ചായത്തിലാണ് സംഭവം.

ചെറുവായൂര്‍ കണ്ണത്തൊടി ലിമേഷും മാതാപിതാക്കളുമാണ് കൊവിഡ് ബാധിച്ച് മരിച്ചത്. ഏപ്രില്‍ 28നാണ് കൊവിഡ് ചികിത്സയിരിക്കെ ലിമേഷ് മരിച്ചത്. ഏപ്രില്‍ 30 അച്ഛന്‍ രാമര്‍ കൊവിഡ് ചികിത്സയിലിരിക്കെ മരിച്ചു. കൊവിഡ് ബാധിതയായ മാതാവ് ലീല ഇന്നലെയാണ് മരിച്ചത്. അതേസമയം, ഓട്ടോ ഡ്രൈവറായിരുന്ന ലിമേഷിന്റെ രോഗബാധയുടെ ഉറവിടം വ്യക്തമായിട്ടില്ല.

അതേസമയം, മലപ്പുറം ജില്ലയില്‍ കൊവിഡ് രോഗബാധ രൂക്ഷമായി തുടരുകയാണ്. എറണാകുളത്തിനും കോഴിക്കോടിനും പിന്നാലെ 4405 പേര്‍ക്കാണ് ഇന്ന് മലപ്പുറത്ത് കൊവിഡ് സ്ഥിരീകരിച്ചത്. 30 ശതമാനത്തിന് മുകളിലാണ് മലപ്പുറത്തെ ടെസ്റ്റ് പോസിറ്റിവിറ്റി നിരക്ക്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.