ദുബായ്: കൊവിഡ് ബാധിച്ച് യു.എ.ഇയില്‍ ആറു പേര്‍ കൂടി മരിച്ചു. ഇതോടെ രാജ്യത്തെ മരണസംഖ്യ 52 ആയതായി ആരോഗ്യമന്ത്രാലയ വക്താവ് ഡോ.ഫരീദ അല്‍ ഹുസ്‌നി പറഞ്ഞു.

31,807 കൊറോണ ടെസ്റ്റുകള്‍ നടത്തിയതില്‍ നിന്നും 483 പേര്‍ക്കാണ് വൈറസ് ബാധ സ്ഥിരീകരിച്ചത്. രാജ്യത്തെ മൊത്തം കൊവിഡ് കേസുകളുടെ എണ്ണം 8,238 ആയി ഉയര്‍ന്നു. അതേസമയം പുതുതായി 103 പേര്‍ക്ക് ഇന്ന് രോഗം ഭേതമായി. ഇതോടെ യു.എ.ഇയിലെ രോഗവിമുക്തരുടെ എണ്ണം 1546 ആയതായും ആരോഗ്യമന്ത്രാലയം അറിയിച്ചു.

രാജ്യത്തെ കൊവിഡ് രോഗികളുടെ എണ്ണത്തില്‍ ഗണ്യമായ വര്‍ധനവാണ് ഉണ്ടായിരിക്കുന്നത്. ഈ അവസരത്തില്‍ ആരോഗ്യ വകുപ്പിന്റെ നിര്‍ദേശങ്ങള്‍ പൊതുജനങ്ങള്‍ കര്‍ശനമായി പാലിക്കണമെന്നും അധികൃതര്‍ അറിയിച്ചു.

تُعلن وزارة الصحة عن تسجيل 483 إصابة جديدة بـ #فيروس_كورونا_المستجد، و103 حالة شفاء، بالإضافة إلى 6 حالات وفاة بسبب تداعيات الإصابة.

The Ministry of Health registers 483 new cases of #Coronavirus, 103 recovery cases and 6 death cases due to complications. pic.twitter.com/1BOTz5xQCy

— NCEMA UAE (@NCEMAUAE) April 22, 2020